BAKI,VOA, Fərid Mikayılov
Hörmüz boğazında Səudiyyə Ərəbistanının bayrağı altında üzən neft tankeri digər gəmi ilə toqquşaraq zədələnib.
VOA xəbər verir ki, neft tankeri mayeləşdirilmiş təbii qaz (LNG) daşıyan digər tanker ilə toqquşub.
İnsidentin başvermə səbəbi və zərərin miqyası hələlik açıqlanmayıb. Səudiyyə Ərəbistanı rəsmiləri hadisə ilə bağlı indiyədək rəsmi açıqlama verməyiblər.
Qeyd edək ki, Hörmüz boğazı Fars körfəzini Oman körfəzi və Ərəb dənizi ilə birləşdirən, qlobal enerji daşımalarının həyata keçirildiyi ən mühüm dəniz marşrutlarından biridir. Dünyada dəniz yolu ilə daşınan neftin təxminən dörddə biri, həmçinin mayeləşdirilmiş təbii qazın əhəmiyyətli hissəsi bu boğazdan keçir. Bu səbəbdən bölgədə baş verən hər hansı insident beynəlxalq enerji bazarlarına və qlobal ticarətə təsir göstərə bilər.
