BAKI,VOA,Yusif Şərifzadə
Hörmüz boğazından keçən gəmilərin sayı ardıcıl ikinci gündür azalıb.
VOA xəbər verir ki, dəniz nəqliyyatını izləyən Kpler şirkətinin məlumatına görə, iyulun 9-da strateji su yolundan cəmi 22 gəmi keçidi qeydə alınıb.
Bu rəqəm əvvəlki günlə müqayisədə azalma göstərir. Belə ki, iyulun 8-də boğazdan 30 gəmi keçib.
Məlumata görə, Hörmüz boğazında vəziyyət nisbətən aşağı riskli olaraq qalır və iyulun 7-dən etibarən burada heç bir gəmiyə qarşı yeni hücum qeydə alınmayıb.
Gəmi operatorları əsasən İran istiqamətindəki marşruta üstünlük verməyə davam ediblər.
Oman marşrutu ilə isə yalnız bir gəmi keçidi həyata keçirilib.
Hörmüz boğazında hər hansı ciddi fasilə qlobal enerji bazarları üçün mühüm risk hesab olunur, çünki bu su yolu dünya neft və qaz daşımalarının əsas hissəsinin keçdiyi strateji marşrutlardan biridir.
