Qətər və Birləşmiş Ərəb Əmirliklərinin rəsmiləri ikitərəfli münasibətləri və regionda baş verən son hadisələri müzakirə ediblər. Tərəflər gərginliyin azaldılması və bölgədə təhlükəsizliklə sabitliyin gücləndirilməsi üçün diplomatik səylərin davam etdirilməsinin vacibliyini vurğulayıblar.
ArabAZ xəbər verir ki, Qətərin dövlət naziri Məhəmməd bin Əbdüləziz Əl-Xülaifi Birləşmiş Ərəb Əmirliklərinin dövlət naziri Şeyx Şəxbut bin Nəhyan Əl-Nəhyan ilə telefon danışığı aparıb.
Qətər Xarici İşlər Nazirliyinin məlumatına görə, görüş zamanı iki ölkə arasında münasibətlər və regionda baş verən son hadisələr nəzərdən keçirilib.
Tərəflər əsas diqqəti gərginliyin azaldılması, təhlükəsizliyin və sabitliyin möhkəmləndirilməsi istiqamətində diplomatik səylərə və birgə fəaliyyətin əlaqələndirilməsinə yönəldiblər.
Qətər və Birləşmiş Ərəb Əmirliklərinin rəsmiləri regionda yaranmış gərginliyin diplomatik yollarla azaldılmasının vacibliyini vurğulayıblar.
Danışıqlar Körfəz bölgəsində təhlükəsizlik vəziyyətinin həssas olaraq qaldığı və regional ölkələrin gərginliyin azaldılması istiqamətində səyləri artırdığı bir vaxtda baş tutub.
