BAKI, AzerVoice
Səudiyyə döyüş təyyarələri ABŞ-da "Qırmızı Bayraq" təlimində iştirak edir
AzerVoice xəbər verir ki, ABŞ-ın Nellis aviabazasında Səudiyyə Ərəbistanı və digər dost ölkələrin iştirakı ilə "Qırmızı Bayraq 2025" (Red Flag 2025) təlimi başlayıb.
Səudiyyə Ərəbistanı Kral Hərbi Hava Qüvvələri təlimdə "Tayfun" aviasiya sistemi və bütün hava, texniki və dəstək qrupları ilə iştirak edir. Təlimin əsas məqsədi döyüş hazırlığını artırmaq, hava əməliyyatlarında koordinasiyanı gücləndirmək və birgə əməliyyatların uyğunluğunu təmin etməkdir.
Səudiyyə qüvvələrinin təlimdəki qrup komandiri, polkovnik-leytenant Xalid əl-Natifi, bu təlimin ABŞ-dakı ən mühüm hərbi manevrlərdən biri olduğunu və Səudiyyə qüvvələrinin bu tapşırıqlara aylarla hazırlaşdığını vurğulayıb.
Təlim çərçivəsində həyata keçiriləcək tapşırıqlar:
- Hücum və müdafiə hava əməliyyatları
- Yaxın hava dəstəyi və döyüş missiyaları
- Axtarış-xilasetmə və hava hücumundan müdafiə tapşırıqları
Qeyd edək ki, "Qırmızı Bayraq" təlimi ABŞ Hərbi Hava Qüvvələrinin ən genişmiqyaslı və strateji təlimlərindən biri hesab olunur və real döyüş şəraitinə maksimum uyğun şəkildə keçirilir.
