Səudiyyə Ərəbistanında gənc qadınlar üçün yay tətili artıq dincəlmək deyil, inkişaf etmək mənasını verir. Krallıq boyu məktəblilər və tələbələr diplom almazdan xeyli əvvəl ənənəvi istirahəti proqramlaşdırma təlimlərinə, klinik təcrübələrə və korporativ təcrübə proqramlarına dəyişirlər; onların əsas məqsədi rəqabətədavamlı tərcümeyi-hal formalaşdırmaq və əmək bazarında üstünlük əldə etməkdir.
Səudiyyə özəl sektoru milliləşdirir - layihə rəhbərliyinə 70 faiz yerli kadr tələbi qoyulur
Ər-Riyaddakı məktəblərdən birində 10-cu sinfə qədəm qoyan Alaa Buxari tətilinin bir hissəsini kodlaşdırma, süni intellekt və sahibkarlıq üzrə praktiki bacarıqlar qazandığı "İnkişaf edən İnnovatorlar" proqramında keçirib.
"Gələcək imkanlar, xüsusən də universitet müraciətləri üçün tərcümeyi-halımı zənginləşdirməklə yanaşı, müxtəlif peşələri araşdırmaq istəyirdim. Düşünürəm ki, fərqli sahələrlə nə qədər erkən tanış olsam, nədən zövq aldığımı və nəyin ardınca getmək istədiyimi bir o qədər yaxşı anlayaram" –dey, Buxari bildirib.
Buxarinin karyera marağı erkən yaşlarda formalaşıb. O, orta məktəbdə oxuyarkən ali təhsil və portfel toplamaq barədə strateji düşünməyə təşviq edən müəllim və rəhbər heyətinin dəstəyi ilə peşə istiqaməti barədə düşünməyə başlayıb.
Birləşmiş Millətlər Təşkilatının (BMT) İnsan Hüquqları Şurası özünün 62-ci sessiyasında Səudiyyə Ərəbistanının təqdim etdiyi “Kibertəhlükəsizlik sahəsində qadınların səlahiyyətləndirilməsi və rolunun artırılması” barədə qətnaməni yekdilliklə qəbul edib. Bu qərar İslam Dünyası Liqası (MWL) və digər nüfuzlu regional təşkilatlar tərəfindən böyük rəğbətlə qarşılanıb.
Erkən karyera hazırlığındakı bu yüksəliş ölkədəki ümumi dinamikanı əks etdirir. "Vizyon 2030" proqramı çərçivəsində Səudiyyə Ərəbistanı gəncləri peşəkar bacarıqlarla təmin etmək üçün böyük investisiyalar yatırmağa davam edir. İnsan Potensialının İnkişafı Proqramına əsasən, 2025-ci ildə 15–24 yaş arası 350 min səudiyyəli erkən məşğulluğa cəlb olunub, yüksək ixtisaslı vəzifələrdə çalışan yerli vətəndaşların payı isə 39.9 faizə yüksəlib.
##
Təşəbbüsə qoşulmazdan əvvəl problemlərin həllinə çox sadə yanaşdığını etiraf edən Buxari innovasiyanın ideyaları sınaqdan keçirmək, rəy almaq və onları təkmilləşdirmək kimi mərhələlərdən ibarət bir dövrə olduğunu öyrəndiyini bildirib. O, texniki biliklərlə yanaşı, komanda işi və fərqli düşüncəyə malik insanlarla işləyərkən düzgün liderlik bacarıqlarını inkişaf etdirməyə çalışır.
Mədinədə isə məktəbli Dim əl-Huceyli yay tətilini kibertəhlükəsizlik şirkətində təcrübə keçərək dəyərləndiri.
"Mən memar olmaq istəyirdim, lakin bu kibertəhlükəsizlik şirkətinə qoşulduqdan və onların iş prosesini gördükdən sonra universitetə müraciət zamanı kompüter elmləri mənim üçün əsas variantlardan biri ola bilər".-deyə o qeyd edib.
Yay tətillərindən maksimum yararlanmaq həvəsi ali təhsil müəssisələrində də geniş yayılıb. Təhsilinin son illərində olan tibb fakültəsi tələbəsi Linə əd-Dəxilallah tətilini müxtəlif ixtisaslar üzrə gərgin klinik mühitlərdə işləməyə həsr edib.
Səudiyyə Ərəbistanı 2026 İKT indeksində dünyada birinci oldu
"Xüsusilə tibb sahəsində nəzəriyyəni öyrənməklə bu biliklərin real xəstələrə və klinik qərarlara necə tətbiq edildiyini görmək arasında böyük fərq var. Karyera quruculuğu mütləq diplom aldıqdan sonra başlamır; bunun böyük hissəsi hələ tələbə ikən başlaya bilər".- deyə Dəxilallah bildirib.
Əd-Dəxilallah vurğulayıb ki, gənc səudiyyəli qadınlar arasında karyera inkişafını məzuniyyət sonrasına saxlamamaq barədə güclü şüur formalaşıb və milli təşəbbüslər qadınları daha erkən addımlar atmağa həvəsləndirir.
