Səudiyyə Ərəbistanının İspaniyadakı səfiri Heyfa əl-Moqrin Madriddə Ərəb Dövlətləri Liqasının işlər vəkili Suad Nəcm ilə görüşüb.
ArabAZ Səudiyyə Ərəbistanının İspaniyadakı səfirliyinin “X” sosial şəbəkəsində yaydığı məlumata istinadən xəbər verir ki, görüşdə ərəb-İspaniya münasibətlərinin möhkəmləndirilməsi, həmçinin qarşılıqlı maraq doğuran məsələlər üzrə əməkdaşlıq və koordinasiyanın gücləndirilməsi yolları müzakirə olunub.
Bununla yanaşı, Səudiyyə Ərəbistanının Böyük Britaniyadakı səfiri Şahzadə Abdullah bin Xalid bin Sultan Böyük Britaniyanın Yaxın Şərq, Şimali Afrika, Əfqanıstan və Pakistan üzrə dövlət naziri Stiven Dauti ilə görüşüb.
Görüş zamanı regional vəziyyət, təhlükəsizlik və müdafiə sahəsində əməkdaşlıq, eləcə də Səudiyyə-Britaniya tərəfdaşlığının gücləndirilməsi məsələləri ətrafında fikir mübadiləsi aparılıb.
