Böyük Britaniya hökuməti Yəməndəki husilərin hücumları fonunda Səudiyyə Ərəbistanı ilə həmrəyliyini ifadə edib. London Ər-Riyadın beynəlxalq hüquq çərçivəsində təhlükəsizliyini və resurslarını qorumaq üçün zəruri tədbirlər görmək hüququnu dəstəklədiyini bildirib.
ArabAZ xəbər verir ki, bu mövqe Böyük Britaniyanın xarici işlər naziri Ed Milibend ilə Səudiyyə Ərəbistanının xarici işlər naziri şahzadə Feysəl bin Fərhan arasında telefon danışığı zamanı ifadə olunub.
Səudiyyə Ərəbistanı Xarici İşlər Nazirliyinin məlumatına görə, Milibend krallığın təhlükəsizliyini və resurslarını müdafiə etmək üçün beynəlxalq hüquqa uyğun zəruri tədbirlər görmək hüququnu təsdiqləyib.
Telefon danışığında strateji dəniz yollarında təhlükəsizliyin və sərbəst gəmiçiliyin təmin olunması məsələsi də müzakirə edilib.
Tərəflər hazırkı böhranın dünya ticarətinə və təchizat zəncirlərinə təsirinin qarşısını almaq üçün birgə səylərin gücləndirilməsinin vacibliyini vurğulayıblar.
