Yəməndə ərzaq böhranı dərinləşir
Yəməndə husilərin fəaliyyətinin genişlənməsi və quraqlıq ərzaq təhlükəsizliyi böhranını daha da ağırlaşdırıb. Ölkənin dörd əyalətinin aclıq həddinə bir pillə qaldığı bildirilir.Bu barədə VOA məlumat verir. Məlumata görə, husilərin Əl-Moxa limanına hücumları ticarət əməliyyatlarını və təchizat zəncirlərini pozaraq ərzaq təminatına əlavə təzyiq yaradıb.
İran əvvəlki regional təsir imkanlarını qoruya bilməyəcək- Rufiz Hafizoğlu
Səudiyyə Ərəbistanı ilə Yəməndəki Ənsarullah hərəkatı arasında gərginliyin yenidən artdığı bir vaxtda Vaşinqtonun mümkün hərbi müdaxiləsi gündəmə gəlib. İsrailin “Kan” telekanalının məlumatına görə, vəliəhd Məhəmməd bin Salman avqust ayında ABŞ Mərkəzi Komandanlığının rəhbəri admiral Bred Kuperlə görüşündə Vaşinqtondan Yəmənə qarşı yeni hərbi kampaniyaya rəhbərlik etməsini istəyib. Məlumata görə, ABŞ bu təklifi qəbul etməyib, lakin Səudiyyə Ərəbistanının özünün keçirəcəyi əməliyyata dəstək verməyə hazır olduğunu bildirib.
Yəmən hökuməti nəzarətindəki hava limanlarının fəaliyyətini qiymətləndirir
Yəmən hökuməti nəzarətində olan ərazilərdəki hava limanlarının fəaliyyətinin hərtərəfli qiymətləndirilməsinə başlayıb.Bu barədə VOA məlumat verir ki,qiymətləndirmə hava limanlarının texniki və inzibati vəziyyətini əhatə edir. Proses çərçivəsində mövcud ehtiyacların və problemlərin müəyyənləşdirilməsi, həmçinin onların həlli üçün təkliflərin hazırlanması nəzərdə tutulur.
Yəmən İŞİD terror təşkilatının rəsmi sözçüsünün məhv edildiyini açıqlayıb
Yəməndə Səudiyyə Ərəbistanının rəhbərlik etdiyi Qanuniliyi Dəstəkləyən Koalisiya qüvvələri və Yəmənin "Qüvvə 22" terrorla mübarizə bölməsinin birgə keçirdiyi xüsusi əməliyyat nəticəsində İŞİD terror təşkilatının rəsmi sözçüsü "Əbu Hüzeyfə əl-Ənsari" ləqəbli terrorçu zərərsizləşdirilib. Həzrəmovt vilayətinin Seyun şəhərində həyata keçirilən kəşfiyyat yönümlü əməliyyat təşkilatın əsas simalarından birinə vurulmuş ağır zərbə kimi qiymətləndirilir.
Yəməndə qanuni hökumət husilərin media təbliğatına son qoyur
Yəməndə son on ilin ən mühüm hərbi inkişafı hökumət qüvvələrinin müxtəlif bölgələrdə və fərqli hərbi birləşmələr vasitəsilə husi silahlılarına qarşı "dron" (pilotsuz uçuş aparatı - PUA) tənliyini dövriyyəyə buraxması oldu. Bu addım təkcə yəmənlilərin döyüş ruhunu yüksəltmək və husi tərəfdarlarını təşvişə salmaqla qalmayıb, havadan qurudakı vəziyyətə birbaşa təsir göstərərək hərbi fərq yaradıb. Hazırda hökumət qüvvələri quruda paralel əməliyyatlara başlayıb.Bu əməliyyatlarda artilleriyadan və müharibənin əvvəlindən bəri ilk dəfə olaraq Yəmən hərbi hava qüvvələrindən istifadə olunur.
İranın qalib gəldiyi barədə yanaşma reallığı tam əks etdirmir - Rufiz Hafizoğlu
İranın hazırkı vəziyyətini yalnız hərbi qarşıdurmanın nəticələri əsasında qiymətləndirmək düzgün deyil
Husilərin təhlükəli taktikası - azyaşlılar müharibədə necə canlı sipərə çevrilir?
Yəmənin ötən 20-ci əsrin ikinci yarısı boyunca və 21-ci əsrin ilk dörddəbirinə qədər gördüyü bütün müharibələr tarixində heç vaxt on minlərlə mülki şəxsin, o cümlədən çox sayda uşağın və hətta gənc qadının hazırda davam edən qanlı müharibənin alovuna atıldığı görünməmişdir. Bu müharibə milli həmrəylik və razılaşmadan kənara çıxan, Yəmənin paytaxtı Sənada hakimiyyəti silah gücü və xarici siyasi maliyyə dəstəyi ilə ələ keçirən Tehran yönümlü və onun tərəfindən dəstəklənən husi qruplaşması tərəfindən alovlandırılmışdır.
Yəmən sahillərində silahlı şəxslər gəmini ələ keçiriblər
Yəmən sahillərində altı silahlı şəxsin bir gəmini ələ keçirdiyi bildirilir. Hadisə Ədən körfəzində, Yəmənin Əl-Mükəlla şəhərinin şərqində baş verib. Silahlı şəxslər gəmiyə daxil olaraq onun idarəsini nəzarətə götürüblər. Daha sonra gəminin Somaliyə doğru istiqamətləndirildiyi açıqlanıb. Bundan əvvəl qərbə doğru hərəkət edən neftdaşıyan gəmiyə icazəsiz başqa bir gəminin yaxınlaşdığı bildirilmişdi. Silahlı şəxslərin kimliyi barədə hələlik məlumat yoxdur. Gəminin heyətinin vəziyyəti ilə bağlı da təfərrüat açıqlanmayıb. Hadisə Ədən körfəzində dəniz təhlükəsizliyi ilə bağlı narahatlığı artırıb.
Husilər Bab əl-Məndəb boğazını ələ keçirməyə hazırlaşırlar - Yəmən
Yəmənin informasiya naziri Müəmmər əl-İryani husilərin Bab əl-Məndəb boğazına nəzarəti ələ keçirməyə hazırlaşdıqlarını iddia edib. Onun sözlərinə görə, husilər Yəmənin qərb sahillərində hərbi mövcudluqlarını genişləndirirlər. Nazir husilərin Qırmızı dənizdəki strateji Yəmən adalarına da nəzarəti ələ keçirməyə çalışdıqlarını bildirib. Yəmən hökuməti limanlara, gəmilərə və dəniz qüvvələrinə qarşı hücumları bu planın göstəricilərindən biri hesab edir. Husilər hazırda Bab əl-Məndəb boğazının birbaşa sahilindəki ərazilərə nəzarət etmirlər. Bununla belə, boğazdan şimalda yerləşən Hüdeydə limanı onların nəzarətindədir. Bab əl-Məndəb beynəlxalq ticarət və enerji daşımaları üçün dünyanın mühüm dəniz keçidlərindən biridir. Boğaza nəzarət uğrunda mümkün mübarizənin Qırmızı dənizdə təhlükəsizlik vəziyyətini daha da gərginləşdirə biləcəyi bildirilir.
Yəmən "Aramco" neft emalı zavodunu vurdu
Yəmən mediasının çərşənbə akşamı yaydığı məlumata görə, ölkə ordusu Səudiyyə Ərəbistanının cənub-qərbində yerləşən Cizan şəhərindəki "Aramco" neft emalı zavodunu bir neçə zərbə PUA-sı ilə hədəf alıb. Hücum nəticəsində ərazidə güclü partlayışların baş verdiyi bildirilsə də, zərər və itkilər barədə dəqiq məlumat verilməyib. Səudiyyə rəsmiləri və "Aramco" hələlik rəsmi bəyanat yaymayıb.
Yəməndə müharibənin yenidən alovlanması qorxusu artır
Yəməndə husilərin hökumət qüvvələrinə qarşı hücumlarını gücləndirməsi ölkədə uzunmüddətli müharibənin yenidən alovlanacağı ilə bağlı narahatlıqları artırıb. Ölkədə on ildən artıq davam edən və on minlərlə insanın ölümünə, milyonlarla şəxsin didərgin düşməsinə səbəb olan vətəndaş müharibəsindən sonra 2022-ci ildə əldə edilən atəşkəs nisbi sakitlik yaradıb. Lakin son həftələrdə qarşıdurmaların yenidən şiddətlənməsi əhalidə müharibə qorxusunu artırıb.
Yəməndə 2022-ci ildən bəri genişmiqyaslı müharibə təhlükəsi ən yüksək həddə çatıb - BMT
BMT Yəməndə 2022-ci ildə əldə edilmiş atəşkəsdən sonra genişmiqyaslı müharibənin yenidən başlaması təhlükəsinin ən yüksək həddə çatdığı barədə xəbərdarlıq edib. BMT-nin Yəmən üzrə xüsusi elçisi Hans Qrundberq ölkənin müxtəlif cəbhələrində hərbi fəallığın artdığını bildirib. Husilərin Məarib, Hədramaut, Əl-Məxa və digər bölgələrdəki hücumları hərbçilər və mülki şəxslər arasında itkilərə səbəb olub. Husilərlə Yəmənin beynəlxalq səviyyədə tanınan hökuməti arasında qarşıdurmanın şiddətlənməsi yeni müharibə qorxusunu artırıb. Qrundberq Qırmızı dəniz və Ədən körfəzində ticarət gəmilərinə hücumların da yenidən artdığına diqqət çəkib. BMT bu hücumların Yəməni daha geniş bölgə qarşıdurmasına sürükləyə biləcəyindən narahatdır. Hörmüz boğazındakı böhran isə bölgədə ticarət və enerji daşımalarına əlavə təzyiq yaradır. BMT-nin məlumatına görə, Yəmən əhalisinin yarıdan çoxu kifayət qədər ərzaq əldə edə bilmir.
