BAKI,VOA, Həcər Nəzərova
ABŞ-ın Yaxın Şərq üzrə xüsusi nümayəndəsi Tom Barrak Vaşinqtonda Suriyanın müvəqqəti işlər vəkili Məhəmməd Qənatri ilə görüşdən sonra Suriyanı “tarixi nailiyyətlər” həftəsi münasibətilə təbrik edib.
VOA xəbər verir ki, Barrak görüşlə bağlı cümə günü “X” sosial şəbəkəsində paylaşım edib.
“Suriyanın müvəqqəti işlər vəkili Məhəmməd Qənatri ilə əla görüş keçirdik. Suriyanın tarixi nailiyyətlərlə yadda qalan həftəsi münasibətilə təbriklər”, — deyə o bildirib.
Qeyd edək ki, ABŞ bazar ertəsi Suriyanı terrorizmi dəstəkləyən dövlətlər siyahısından çıxarıb.
Bundan bir gün sonra, çərşənbə axşamı Suriya Demokratik Qüvvələrinin (SDQ) rəhbəri Məzlum Abdi qüvvələrin müstəqil hərbi struktur kimi fəaliyyətinə son qoyulduğunu açıqlayıb.
