Məkkə sazişi “İslam NATO-su”nun əsasını qoya bilərmi?
Türkiyə, Səudiyyə Ərəbistanı və Pakistan arasında imzalanan Məkkə Birgə Müdafiə Sazişi İslam dünyasında yeni təhlükəsizlik arxitekturasının formalaşdırılması ilə bağlı müzakirələri gücləndirib. Sazişin kollektiv müdafiə prinsipini nəzərdə tutması onun gələcəkdə daha geniş regional müdafiə mexanizminin əsasına çevrilə biləcəyi sualını gündəmə gətirib.
Şahbaz Şərif Səudiyyə Ərəbistanı və Türkiyə ilə imzalanan sazişi "tarixi razılaşma" adlandırıb
Pakistanın Baş naziri Şahbaz Şərif Məkkədə Türkiyə və Səudiyyə Ərəbistanı ilə imzalanan müdafiə sazişini "tarixi razılaşma" adlandırıb. O, sənədin gələcək nəsillər üçün "sülh qalxanı" olacağını bildirib və razılaşmanın əldə olunmasında Pakistan Ordusunun Baş Qərargah rəisi feldmarşal Asim Munirin rolunu yüksək qiymətləndirib. Şərif sazişin regional təhlükəsizlik və sabitliyə töhfə verəcəyini vurğulayıb.
Səudiyyə Ərəbistanı və Pakistanla müdafiə sazişi heç bir ölkəyə qarşı yönəlməyib - Rəcəb Tayyib Ərdoğan
Türkiyə Prezidenti Rəcəb Tayyib Ərdoğan Səudiyyə Ərəbistanı və Pakistanla imzalanan müdafiə sazişinin heç bir ölkəyə qarşı yönəlmədiyini bildirib. Onun sözlərinə görə, kollektiv çəkindirmə prinsipinə əsaslanan razılaşma təhlükəsizlik və müdafiə əməkdaşlığını, birgə müdafiə sənayesi layihələrini və terrorizmlə mübarizəni gücləndirəcək. Ərdoğan sazişin regionda sülh və sabitliyə töhfə verməyi hədəflədiyini vurğulayıb.
Məkkə Birgə Müdafiə Zirvəsinin birgə bəyanatı yayımlanıb
Türkiyə, Səudiyyə Ərəbistanı və Pakistan arasında "Məkkə Birgə Müdafiə Sazişi" imzalanıb. Saziş üç ölkənin təhlükəsizlik və müdafiə sahəsində əməkdaşlığını yeni mərhələyə daşımaqla yanaşı, kollektiv müdafiə prinsipini də təsbit edir.
Rəcəb Tayyib Ərdoğan FETÖ üzvü Burkay Karatepedən şikayətçi olub
Türkiyə Prezidenti Rəcəb Tayyib Ərdoğan FETÖ üzvü olmaqda ittiham edilən Burkay Karatepe və ona yardım etdiyi iddia olunan şəxslər barəsində rəsmi şikayət edib. Şikayət ərizəsində Karatepenin 15 iyul 2016-cı il çevriliş cəhdi zamanı Marmarisdə Ərdoğana qarşı sui-qəsd qrupunda yer aldığı bildirilib. Onun və digər şübhəlilərin prezidentə sui-qəsd, Konstitusiyanı pozma, terror təşkilatına üzvlük və digər ağır cinayətlər üzrə istintaqa cəlb olunması tələb edilir.
FETÖ ilə mübarizə milli vəzifədir - Ömər Çelik
AK Partiyanın sözçüsü Ömər Çelik FETÖ ilə mübarizənin milli vəzifə olduğunu bildirərək, terror təşkilatına qarşı mübarizənin həm Türkiyədə, həm də beynəlxalq səviyyədə fasiləsiz davam etdirilməsinin vacibliyini vurğulayıb. AK Partiya sözçüsü bildirib ki, FETÖ bəzi xarici ölkələrdə hələ də müəyyən dairələr tərəfindən qorunur.
Ərdoğana sui-qəsd cəhdində iştirak edən FETÖ üzvü saxlanıldı
Türkiyədə 15 iyul çevriliş cəhdi zamanı Prezident Rəcəb Tayyib Ərdoğana qarşı sui-qəsd qrupunda iştirak edən və qırmızı bülletenlə axtarılan FETÖ üzvü B.K. Afyonkarahisarda keçirilən əməliyyat zamanı saxlanılıb. Onun 37 nəfərlik qrupun azadlıqda qalan son üzvü olduğu bildirilib. Bildirilib ki, saxlanılan şəxs 15 iyul çevriliş cəhdi zamanı Marmarisdə Prezident Ərdoğanın qaldığı otelə hücum edən 37 nəfərlik qrupun uzun müddət azadlıqda qalan son üzvü olub.
Xalqımız İsraillə müharibədə ağır bədəl ödəyib - Cozef Aun
Livan Prezidenti Cozef Aun İsraillə müharibə zamanı ölkəsinin ağır itkilər verdiyini bəyan edib. O, minlərlə insanın həlak olduğunu, kənd və şəhərlərin dağıldığını, çoxsaylı ailələrin evlərini tərk etdiyini bildirib. Aun Ankarada Türkiyə Prezidenti Rəcəb Tayyib Ərdoğanla keçirdiyi görüşdə Livanın bərpa prosesinə sadiq qaldığını vurğulayıb. Prezident xalqın iradəsinin sarsılmadığını və dövlətin suverenliyinin bərpasının əsas məqsəd olduğunu qeyd edib. O, Türkiyə ilə əməkdaşlığın daha da gücləndirilməsinin vacibliyini də dilə gətirib. Səfərin iki ölkə arasında münasibətlərin inkişafına töhfə verəcəyi bildirilib. Livan rəhbərliyi regionda sabitliyin möhkəmləndirilməsi istiqamətində əməkdaşlığın davam etdiriləcəyini bəyan edib.
Kamera önündəki tərəddüd: “İnkişaf Yolu”-nun arxasındakı nüfuz döyüşü və Bakı-Ankara-Bağdad oxu
İyulun 28-də Ankaradakı Prezident Sarayında Türkiyə və İraq arasında sazişlərin rəsmi imzalanma mərasimi zamanı canlı yayım kameraları qarşısında qısa diplomatik gərginlik yaşandı. Lakin növbə geosiyasi baxımdan ən kritik sənədə – Avrasiyanın ticarət xəritəsini yenidən cızacaq 17 milyard dollarlıq “İnkişaf Yolu” layihəsinə daxil olan Nəqliyyat sahəsində Əməkdaşlıq Sazişinə çatanda, salona birdən-birə ağır bir sükut çökdü.
AK Partiya 25 illiyi münasibətilə yeni loqosunu təqdim edib
Loqoda "25" rəqəmi üzərində Türkiyə bayrağı, Prezident Administrasiyası Kompleksi, körpü, yüksək sürətli qatar, yerli avtomobil, müdafiə sənayesi məhsulları, sənaye, kənd təsərrüfatı və nəqliyyat sahələrini simvolizə edən müxtəlif elementlər əks olunub.
Zəlzələdən sui-istifadə edənlər indi qanun qarşısında cavab verirlər - Ərdoğan
Türkiyə Prezidenti Rəcəb Tayyib Ərdoğan 6 fevral zəlzələlərindən sonra yaranmış proseslərə toxunaraq, təbii fəlakətdən şəxsi maraqlar üçün istifadə edənlərin məsuliyyətə cəlb edildiyini bildirib. O bildirib ki, zəlzələdən istifadə edərək fürsətçilik edən şəxslər hazırda qanun qarşısında cavab verirlər və bu prosesdə müxtəlif qanunsuz əlaqələr də üzə çıxır.
Tramp Türkiyəni tərifləyib, Ərdoğanı "dost" adlandırıb
Donald Tramp Türkiyəni etibarlı müttəfiq kimi qiymətləndirib. O, Prezident Rəcəb Tayyib Ərdoğanı "dost" adlandırıb. Tramp F-35 qırıcılarının Türkiyəyə satışı ilə bağlı suala cavab verərkən silah satışlarına dair qərarları ABŞ-nin özü verdiyini bildirib. ABŞ Prezidenti heç kimin Vaşinqtona bu məsələdə göstəriş verə bilməyəcəyini vurğulayıb. O, Türkiyə ilə münasibətlərə müsbət yanaşdığını ifadə edib. F-35 satışı ilə bağlı konkret qərar açıqlanmayıb. İsrail və Türkiyə tərəfi hələlik bu bəyanata münasibət bildirməyib.
