Medianın İnkişafı Agentliyi Azərbaycana qarşı dezinformasiya kampaniyasının aparıldığını bəyan edib
Medianın İnkişafı Agentliyi bəzi xarici media qurumlarında Azərbaycana qarşı dezinformasiya kampaniyasının aparıldığını bəyan edib. Qurum Goranboy rayonunun Nizami kəndi yaxınlığında baş vermiş yanğınla bağlı “Nexta” kanalının yaydığı məlumatı buna nümunə göstərib. Agentlik hadisənin dövlətlərarası siyasi münasibətlərlə əlaqələndirilməsini əsassız hesab edib. Bəyanatda bu cür məlumatların ictimai rəyi çaşdırmağa və cəmiyyətdə süni təşviş yaratmağa yönəldiyi bildirilib. Agentlik son dövrlərdə bir sıra Qərb media qurumlarında Azərbaycanla bağlı birtərəfli məlumatların yayıldığını iddia edib. Bəyanatda Böyük Britaniya, ABŞ, Fransa və Polşanın bir sıra media qurumlarının adları çəkilib. Qurum belə materialları Azərbaycanın beynəlxalq nüfuzunu hədəfə alan informasiya kampaniyasının tərkib hissəsi kimi qiymətləndirib. Agentlik dezinformasiya cəhdlərinin qarşısının alınması istiqamətində tədbirləri davam etdirəcəyini bildirib.
“The Independent”, “The Guardian” və “BBC”də Azərbaycanla bağlı həqiqətə uyğun olmayan materiallar dərc edilib - MEDİA
Azərbaycanın Medianın İnkişafı Agentliyi Böyük Britaniyanın “The Independent”, “The Guardian” qəzetlərində və “BBC”nin rus dili xidmətində Azərbaycanla bağlı yayımlanan materiallara münasibət bildirib. MEDİA həmin yazıları həqiqətə uyğun olmayan və ictimai rəyi çaşdırmağa yönəlmiş materiallar kimi qiymətləndirib. Agentlik bu yazıların birtərəfli yanaşmaya əsaslandığını açıqlayıb. Bəyanatda müəlliflərin Azərbaycan tərəfinin mövqeyini öyrənmədən material hazırladığı qeyd olunub. MEDİA bu cür halların Azərbaycanın beynəlxalq nüfuzuna təsir göstərmək məqsədi daşıya biləcəyini bildirib. Agentlik məsələ ilə bağlı zəruri tədbirlərin görüləcəyini açıqlayıb. Həmçinin media qurumları jurnalist etikası və tərəfsizlik prinsiplərinə əməl etməyə çağırılıb.
Medianın İnkişafı Agentliyi “Ajmedia.news” saytının fəaliyyətinin qanunsuz hesab edildiyini açıqlayıb
Azərbaycan Respublikasının Medianın İnkişafı Agentliyi media subyektlərinin fəaliyyəti ilə bağlı bəyanat yayıb. Agentlik ölkədə fəaliyyət göstərən bütün media subyektlərinin “Media haqqında” Qanunun tələblərinə riayət etməli olduğunu bildirib. Media qurumlarının qanunvericiliyə uyğun olaraq “Media Reyestri” İnformasiya Sistemində mövcud olmasının vacibliyi vurğulanıb. Bəyanatda “Ajmedia.news” saytının Media Reyestrində olmadığı açıqlanıb. Agentlik saytın media etikası tələblərinə də riayət etmədiyini bildirib. Qanun pozuntuları ilə əlaqədar resurs barədə məhkəmə qərarının qəbul edildiyi qeyd olunub. Məhkəmə tərəfindən saytın fəaliyyətinin qanunsuz hesab edildiyi bildirilib. Agentlik icmaların adından çıxış edən media subyektlərini öz statusları və fəaliyyətləri barədə ictimaiyyətə şəffaf məlumat verməyə çağırıb.
Statistik məlumatların şərhi zamanı onların mənbəyi düzgün izah edilməlidir - MEDİA
Bildirilib ki, bəzi media subyektləri öz səhifələrində və sosial şəbəkələrdə Dövlət İmtahan Mərkəzinin “Abituriyent” jurnalının 12-ci nömrəsində dərc olunmuş 2025/2026-cı tədris ili üzrə tələbə qəbulu və ümumi təhsil müəssisələrinin buraxılış imtahanlarının nəticələrinə dair elmi-statistik məlumatları manipulyasiya olunmuş formada təqdim edib.
Fransanın bəzi media qurumlarının Azərbaycana qarşı qarayaxma kampaniyasını qəti şəkildə pisləyirik - MEDİA
Fransanın bəzi media qurumları Azərbaycana qarşı birtərəfli və yönləndirici məlumatlar yayır. Bu materiallar Azərbaycanın beynəlxalq imicini korlamağı hədəfləyir. Medianın İnkişafı Agentliyi bu cür fəaliyyətləri qəti şəkildə pisləyib. Məhkəmə prosesi ətrafında teatral effektlər və ajiotaj manipulyasiya kimi qiymətləndirilir. “Revue21”, TV5 Monde, Le Figaro və Le Monde kimi qurumlar qərəzli və sifarişli fəaliyyət göstərirlər. Bu media subyektləri beynəlxalq jurnalistika standartlarını pozur. Cinayətkarın milli mənsubiyyətini qabartmaq hüququn aliliyinə uyğun deyil. Qarayaxma kampaniyası media peşəkarlığı ilə uyğun gəlmir və qəti şəkildə pislənir.
MEDİA yeni qanun layihəsinin ictimai müzakirəsini təşkil edib
Medianın İnkişafı Agentliyi tərəfindən təşkil edilən qanun layihəsinin ictimai müzakirəsində əsas məqsəd uşaqların rəqəmsal mühitdə təhlükəsizliyinin təmin olunması və onların psixoloji, mənəvi inkişafının qorunması olub. Layihə çərçivəsində fərdi məlumatların üçüncü şəxslərə ötürülməsi qadağan edilir və yetkinlik yaşına çatmayan şəxslərin müraciəti ilə sosial şəbəkələrdə paylaşılan məlumatlar tamamilə silinə bilər. Qanun həmçinin internet provayderləri və rəqəmsal platformaların uşaqların mənəvi formalaşmasında sosial və hüquqi məsuliyyət daşımalarını təmin edir. Tədbirdə iştirak edən ekspertlər və dövlət nümayəndələri layihənin rəqəmsal təhlükəsizliyi artırmaq, etik normaları gücləndirmək və gələcək nəsilləri qorumaq məqsədi daşıdığını vurğulayıblar.
Uşaqların şəxsi məlumatları kommersiya maraqlarına çevrilə bilməz - Əhməd İsmayılov
Erkən yaşda sosial şəbəkələrdən istifadə yetkinlik yaşına çatmayan şəxslərdə bullinq, rəqəmsal asılılıq, psixoloji travmalar və transmilli xarakterli təsirlərə məruz qalma riskini kəskin şəkildə artırır. İcraçı direktor bikdirib ki, Azərbaycan dövləti tərəfindən uzun illərdir uğurla həyata keçirilən güclü ailə və uşaq siyasətinin, eləcə də milli-mənəvi dəyərlərin qorunması strategiyasının hüquqi mexanizmlərlə rəqəmsal mühitə də inteqrasiya olunması artıq subyektiv istək deyil, obyektiv və qaçılmaz bir zərurətdir:
Azərbaycan ərazisinin İsrail-İran müharibəsində istifadə olunması ilə bağlı iddialar dezinformasiyadır - MEDİA
Azərbaycan ərazisinin İsrailin İranla müharibə zamanı istifadə olunması ilə bağlı yayılan məlumatlar həqiqəti əks etdirmir.
İsrailin İrana qarşı Azərbaycan ərazisindən istifadə etməsi uydurmadır - MEDİA
İyunun 5-də CNN özünün uydurduğu “mənbələrə” istinad edərək İsrailin İranla apardığı müharibə zamanı guya Azərbaycan ərazisindən istifadə etməsi ilə bağlı iddiaların yer aldığı material yayımlayıb. Bildirilib ki, dünyanın tanınmış transmilli media şirkətinin heç bir fakta istinad etmədən açıq-aşkar feyk məlumat tirajlaması məqsədli şəkildə həyata keçirilmiş kobud informasiya manipulyasiyasıdır.
Baş Prokurorluğunun Gəncə Şəhər İcra Hakimiyyətində araşdırma aparması ilə bağlı yayılan məlumat yanlışdır – MEDİA
Mətbuatda Baş Prokurorluğunun Gəncə Şəhər İcra Hakimiyyətində araşdırma aparması ilə bağlı yayılan məlumat rəsmi mənbələr tərəfindən təsdiqlənməyib və yanlış məlumatlara əsaslanmayıb. Bu barədə Medianın İnkişafı Agentliyinin (MEDİA) yaydığı açıqlamada bildirilib. "Dövlət orqanlarının nüfuzuna xələl gətirilməsi ilə nəticələnən qanunvericiliklə qadağan olunmuş bu kimi məlumatların mediada yayılmasını yolverilməz hesab edirik.
Medianın İnkişafı Agentliyində Monqolustan nümayəndə heyəti ilə görüş keçirilib
14 aprel tarixində Medianın İnkişafı Agentliyində Monqolustandan olan media nümayəndələri ilə görüş keçirilib. Bu barədə Medianın İnkişafı Agentliyi məlumat yayıb. Görüşdə Medianın İnkişafı Agentliyinin İcraçı direktorunun müavini Natiq Məmmədli qonaqlara Agentliyin əsas fəaliyyət istiqamətləri, həyata keçirilən layihələr və qarşıya qoyulan prioritetlər barədə məlumat verib. O, jurnalistlərin peşəkar inkişafının dəstəklənməsi, media savadlılığının artırılması və müasir çağırışlara uyğun media mühitinin formalaşdırılması istiqamətində görülən işlərin əhəmiyyətini vurğulayıb.
Azərbaycandan raket buraxılması ilə bağlı iddialar əsassızdır - MEDİA
Son günlər bəzi sosial media platformalarında Azərbaycan ərazisindən Körfəz ölkələri istiqamətində guya raketlərin buraxılması ilə bağlı tamamilə əsassız və həqiqətə uyğun olmayan məlumatlar yayılmaqdadır. Regionda mövcud olan gərginlik fonunda sosial şəbəkələrdə mənbəyi təsdiqlənməmiş, qeyri-dəqiq informasiyaların yayılması ictimai rəydə yanlış təsəvvürlərin formalaşdırılmasına xidmət edir və məqsədli dezinformasiya xarakteri daşıyır.
