İraq seçkilər ərəfəsində: qorxular, boykot və inamsızlıq böhranı

İraqda 11 noyabrda keçiriləcək parlament seçkiləri yaxınlaşır. Lakin gözlənilən sabitlik və dəyişiklik əvəzinə, cəmiyyət yenidən illərdir təkrarlanan suallarla üz-üzədir: seçkilər vaxtında keçiriləcəkmi, “fövqəladə hökumət” qurulacaqmı, boykot seçkilərin legitimliyinə necə təsir göstərəcək? Altı seçki mərhələsi arxada qalsa da, partiyaların ritorikası dəyişməyib. Hakimiyyət hələ də “Baas”ın qayıdışı ilə qorxudur, məzhəbçi narahatlıqları dərinləşdirir. Seçkilərdə iştiraka çağırışlar çox vaxt “şiə çoxluğunun nailiyyətlərini qorumaq” iddiaları və hətta silah işlətmə hədələri ilə müşayiət olunur.