Özbəkistan ilə AİB arasında 12 milyard dollarlıq saziş imzalanıb
Şavkat Mirziyoyev Asiya İnkişaf Bankının illik toplantısında çıxışı zamanı Özbəkistan ilə Asiya İnkişaf Bankı arasında 12 milyard dollarlıq yeni əməkdaşlıq proqramının imzalandığını açıqlayıb. Onun sözlərinə görə, bu saziş qlobal iqtisadi qeyri-sabitlik fonunda davamlı inkişafın təmin olunmasına yönəlib. Prezident qeyd edib ki, müasir çağırışlar yeni texnologiyaların tətbiqini və iqtisadi alətlərin təkmilləşdirilməsini zəruri edir.
İran və Səudiyyə Ərəbistanı XİN rəhbərləri regional məsələləri müzakirə ediblər
İranın xarici işlər naziri Abbas Əraqçi ilə Səudiyyə Ərəbistanı Krallığının xarici işlər naziri şahzadə Feysəl bin Fərhan arasında telefon danışığı baş tutub. Danışıq zamanı tərəflər İran və Səudiyyə Ərəbistanı arasında ikitərəfli münasibətlərin inkişafını, həmçinin regionda və beynəlxalq aləmdə baş verən əsas prosesləri müzakirə ediblər. Nazirlər siyasi məsləhətləşmələrin davam etdirilməsinin və qarşılıqlı əməkdaşlığın gücləndirilməsinin ortaq maraqlara və regional sabitliyə töhfə verəcəyini vurğulayıblar.
Müdafiə Nazirliyi və NATO arasında tərəfdaşlıq çərçivəsində qarşılıqlı anlaşma protokolu imzalanıb
Müdafiə Nazirliyi və NATO arasında görüş keçirilib.
Tatarıstan ilə birgə sənaye zonasının yaradılması çərçivəsində görülən işlər müzakirə olunub
Mikayıl Cabbarov Oleq Korobçenko ilə görüşüb.
Səudiyyə Ərəbistanı və Bəhreyn arasında bir sıra yeni əməkdaşlıq sazişləri imzalanıb
Səudiyyə Ərəbistanının vəliəhdi Məhəmməd bin Salman və Bəhreynin vəliəhdi Şeyx Salman bin Həməd Al-Xəlifə Çərşənbə günü Manamada keçirilən Səudiyyə–Bəhreyn Koordinasiya Şurasının dördüncü iclasına birgə sədrlik edərək bir sıra sazişlər imzalayıblar. Vəliəhd şahzadələr ölkələri arasında əməkdaşlığı möhkəmləndirməyə və bütün sahələrdə ikitərəfli münasibətləri inkişaf etdirməyə hazır olduqlarını bildiriblər.
