ABŞ İsrailə 25 ədəd yeni F-15IA qırıcı təyyarəsinin tədarükünü təsdiqlədi

ABŞ Müdafiə Nazirliyi (Pentagon) İsrailin F-15IA qırıcı təyyarələri proqramı çərçivəsində “Boeing” şirkəti ilə 8,6 milyard dollarlıq müqavilənin bağlandığını açıqlayıb. Müqavilə İsrail Hərbi Hava Qüvvələri üçün 25 ədəd yeni F-15IA təyyarəsinin layihələndirilməsi, inteqrasiyası, sınaqları, istehsalı və təhvil verilməsini, eyni zamanda əlavə 25 təyyarə üçün opsionu əhatə edir.