Tramp Venesuelada müəyyən hədəflərə hücum əmri verib
Bu günü Venesuelanın paytaxtı Karakasda təyyarələrin uçuş səsi, güclü partlayışa bənzər gurultular və ən azı bir tüstü sütunu müşahidə olunub. Məlumata görə, şəhərin əsas hərbi bazalarından birinin yerləşdiyi cənub bölgəsində elektrik enerjisi kəsilib. Qeyd edək ki, ABŞ Prezidenti Donald Tramp Venesuela Prezidenti Nikolas Maduronun hakimiyyətdən getməsi üçün təzyiqləri artırmaq məqsədilə bu ölkədə quru əməliyyatları aparılacağına dair dəfələrlə vədlər verib. Bu təzyiqlərə genişləndirilmiş sanksiyalar, regionda ABŞ hərbi mövcudluğunun gücləndirilməsi, eləcə də Sakit okean və Karib dənizində narkotik qaçaqmalçılığında iştirak etdiyi iddia olunan gəmilərə qarşı iki ondan çox zərbənin endirilməsi daxildir.
ABŞ İran–Venesuela pilotsuz uçuş aparatları əməkdaşlığına görə yeni sanksiyalar tətbiq edib
ABŞ hökuməti İran istehsalı pilotsuz uçuş aparatlarının (PUA) əldə edilməsi ilə bağlı Venesuela ilə əməkdaşlıqda ittiham olunan Venesuela şirkətinə qarşı sanksiyalar tətbiq edib.ABŞ Maliyyə Nazirliyi sanksiyaları Venesuelanın Empresa Aeronáutica Nacional S.A. (EANSA) şirkətinə yönəldib. Nazirliyin açıqlamasında bildirilib ki, sözügedən şirkət ABŞ sanksiyaları altında olan İranın Qods Aviation Industries müəssisəsi tərəfindən layihələndirilmiş pilotsuz uçuş aparatlarının Venesuelada yığılmasına və texniki nəzarətinə cavabdehdir.
