Geo-iqtisadi qarşıdurma dünyanın əsas təhlükəsinə çevrilib

Qlobal liderlər və ekspertlər qısa müddətli perspektivdə dünya üçün ən ciddi təhlükənin geo-iqtisadi qarşıdurma olduğunu bildiriblər. Bu nəticə Dünya İqtisadi Forumu tərəfindən açıqlanan illik Qlobal Risklər Hesabatında əksini tapıb.Hesabat çərçivəsində dünyanın müxtəlif bölgələrindən 1300-dən çox qərarverici və ekspert arasında sorğu aparılıb. Respondentlərin 18 faizi yaxın iki il ərzində qlobal böhrana səbəb ola biləcək əsas risk kimi geo-iqtisadi qarşıdurmanı göstərib.