Aqrar Sığorta Fondu Şəmkir və Samuxda fermerlərə sığorta ödənişləri edib

Azərbaycanda dövlət dəstəyi ilə tətbiq edilən aqrar sığorta mexanizmi fermer təsərrüfatlarının maliyyə risklərindən qorunmasında mühüm rol oynamağa davam edir. Aqrar Sığorta Fondu Şəmkir və Samux rayonlarında arpa, şaftalı və nektarin sahələrinə dəymiş zərərlər üzrə fermerlərə növbəti sığorta ödənişlərini həyata keçirib. Ödənişlər vəhşi heyvanların hücumu, dolu və şaxtavurma kimi təbii risklər nəticəsində baş vermiş zərərləri əhatə edib.