Evlərin sökülməsi ilhaq planının tərkib hissəsidir - HƏMAS

İsrail ordusu Əl-Xəlil şəhərinin cənubunda 40-dan çox insanın yaşadığı 10 mənzilli, 3 mərtəbəli binanı yerlə-yeksan edib. HƏMAS bu addımı "sistematik terror siyasəti" və fələstinlilərin varlığına qarşı yönəlmiş təhlükəli eskalasiya kimi qiymətləndirib. Bəyanatda vurğulanıb ki, bina sahiblərinin bütün rəsmi sənədləri olmasına baxmayaraq, İsrail tərəfi tikilinin "icazəsiz" olduğunu bəhanə gətirərək söküntü həyata keçirib.