Knessetdə 10 milyardlıq müqavilə sonrası, saxta medal rüsvayçılığı: Narendra Modiyə verilən medal qızıl yox, bürünc çıxdı

Hindistanın Baş naziri Narendra Modi İsrailə iki günlük tarixi səfərini cümə axşamı günü yekunlaşdırıb. Səfər ümumi dəyəri 10 milyard dollar qiymətləndirilən strateji əməkdaşlıq sazişlərinin imzalanması ilə yadda qalıb. Bununla belə, İsrail parlamentinin (Knesset) qonağa təqdim etdiyi və "tarixi, misilsiz təltif" kimi qələmə verilən "Knesset medalı"nın həqiqiliyi və dəyəri ətrafında yaranan şübhələr İsrail daxilində ciddi müzakirələrə yol açıb.