Tadamun qətliamının şübhəlisi saxlanılıb: Suriya təhlükəsizlik qüvvələrindən mühüm əməliyyat

Türkmənlərin də sıx yaşadığı Tadamun bölgəsində 2013-cü ildə törədilən qətliamın şübhəlisi Amcat Yusif, Suriya Daxili Təhlükəsizlik Qüvvələrinin Həmada keçirdiyi əməliyyat nəticəsində yaxalanıb. Tadamun qətliamı müharibənin ən qanlı və qaranlıq hadisələrindən biri kimi tarixə düşüb. Hadisə zamanı ümumilikdə 288 nəfərin gözləri bağlı şəkildə edam edilərək çuxura atıldığı, daha sonra yandırıldığı və bütün bu prosesin görüntülərinin qeydə alındığı bildirilmişdi.