ABŞ-dan İrana mesaj: Nüvə danışıqları olmasa, gərginlik arta bilər
ABŞ-ın keçmiş rəsmisi Mark Kimmitt İranın Vaşinqtonun sülh təklifini tam rədd etməməsinin diplomatik imkanlar yaratdığını bildirib. O qeyd edib ki, Tehran nüvə proqramını müzakirə etməkdən imtina edərsə, regionda gərginliyin yenidən artması ehtimalı yüksələcək.
ABŞ və İran danışıqlarda ortaq çıxış yolu tapa bilmir
ABŞ və İran arasında davam edən diplomatik proses qarşılıqlı etimadsızlıq və geosiyasi maraqlar səbəbindən mürəkkəb mərhələyə daxil olub. London Kral Kollecinin qonaq müəllimi Samir Purinin sözlərinə görə, Vaşinqton və Tehran bir-birinə qarşı “dərin antaqonizm” hiss edir və hər iki tərəf danışıqlardan siyasi üstünlüklə çıxmağa çalışdığı üçün proses “qarşılıqlı çıxılmazlıq” vəziyyətinə çevrilib.
