İsrailin Zefta qəsəbəsinə hücumu nəticəsində azı 7 nəfər həlak olub

Livanın cənubundakı Zefta qəsəbəsi növbəti dəfə hava hücumuna məruz qalıb. Livanın Səhiyyə Nazirliyinin açıqladığı məlumata görə, hücum nəticəsində azı 7 nəfər həlak olub, 8 nəfər isə yaralanıb. Ölənlər arasında bir uşaq və bir qadının da olduğu bildirilir. Yaralılar xəstəxanalara yerləşdirilib, hadisə yerində isə axtarış-xilasetmə işləri davam etdirilir. Son günlər bölgədə hərbi əməliyyatların genişlənməsi nəticəsində mülki itkilərin sayı artır. Livan rəsmiləri və beynəlxalq qurumlar vəziyyətin daha da pisləşə biləcəyi barədə xəbərdarlıq edir və mülki əhalinin qorunmasına çağırışlar səsləndirirlər.