Qəzzada futbolçu İsrail qüvvələrinin atəşi nəticəsində həlak olub

Qəzzada 32 yaşlı fələstinli qapıçı Səlim Xader əl-Əşqərin öldürüldüyü bildirilib. O, hamilə həyat yoldaşının xahişi ilə yemək qazı axtarmaq üçün evdən çıxmışdı. Məlumata görə, əl-Əşqər Əl-Qərara qəsəbəsində İsrail qüvvələri tərəfindən açılan atəş nəticəsində həlak olub. O, 2023-cü il oktyabrın 7-dən bəri Qəzzada futbol sahəsində öldürülən yüzlərlə fələstinlidən biridir. Ailəsi üçün isə o, yeganə oğul və gələcək ata idi. Əl-Əşqər bu ilin yanvarında ailə qurmuşdu. Qəzzanın idman ictimaiyyəti onun xatirəsinin yaşadılacağını bildirir.