Oman Hörmüz boğazının açıq qalmasına çağırış edib

Oman Hörmüz boğazının beynəlxalq gəmiçilik üçün açıq qalmasının vacibliyini bəyan edib. Xarici işlər naziri Seyid Bədr bin Həməd Əlbusaidi bu çağırışı Manilada keçirilən beynəlxalq toplantıda səsləndirib. O bildirib ki, beynəlxalq ticarət marşrutlarının təhlükəsizliyi təmin olunmalıdır. Nazir sahilyanı dövlətləri və dəniz yollarından istifadə edən ölkələri məsuliyyətli əməkdaşlığa çağırıb. Malakka və Sinqapur boğazlarındakı əməkdaşlıq modeli nümunə kimi göstərilib. Oman mübahisələrin diplomatik yolla həllini dəstəklədiyini bir daha bəyan edib. Ölkənin regional vasitəçilik rolunu bundan sonra da davam etdirəcəyi vurğulanıb.