İranın gələcəyini İran xalqı müəyyən edəcək - Məsud Pezeşkian

İran Prezidenti Məsud Pezeşkian xalqın ölkənin gələcəyini müəyyən edəcəyini bildirib. O, İran xalqını ABŞ və İsraillə münaqişə dövründə göstərdiyi dözümlülüyə görə "qəhrəman" adlandırıb. Pezeşkian münaqişənin başlanğıcını 2024-cü il iyulun 31-də İsmayıl Həniyənin Tehranda öldürülməsi ilə əlaqələndirib. Prezident həmin vaxt Həniyənin onun andiçmə mərasimində iştirak etmək üçün İranda olduğunu xatırladıb. Onun sözlərinə görə, İran müharibələrə və təzyiqlərə baxmayaraq yolunu öz xalqının iradəsi ilə müəyyən edəcək. Bəyanat sosial şəbəkədə paylaşılıb.