Mentorluq proqramı çərçivəsində "Yüksəliş" müsabiqəsinin qalibləri ilə növbəti görüş keçirilib

İqtisadiyyat naziri Mikayıl Cabbarov "Yüksəliş" müsabiqəsinin qalibləri Elnur Məmmədli və Kamran Ələsgərovla növbəti mentorluq görüşünü keçirib. Görüşdə idarəçilik, strateji qərarların qəbulu və iqtisadi transformasiya şəraitində peşəkar inkişaf məsələləri müzakirə olunub. Həmçinin fərdi inkişaf planı çərçivəsində görülən işlər və əldə olunan nəticələr dəyərləndirilib. Tərəflər müasir idarəetmə yanaşmaları və rəhbərlik bacarıqlarının inkişafı barədə fikir mübadiləsi aparıblar. Görüş Mentorluq proqramı çərçivəsində təşkil olunub. Proqramın məqsədi gənc rəhbər kadrların peşəkar inkişafına dəstək verməkdir.