Qətərdə gəmi qeydiyyatı rəqəmsallaşır
Qətər Nəqliyyat Nazirliyi kiçik gəmi sahiblərinə qeydiyyat lisenziyalarını rəsmi "Darb" mobil tətbiqi vasitəsilə rahat şəkildə yeniləmələri ilə bağlı növbəti dəfə müraciət edib. Rəsmi sosial media hesablarında paylaşılan məlumatda nazirlik illik yenilənmə prosesinin rəqəmsal müstəvidə asan və sadə şəkildə həyata keçirildiyini diqqətə çatdırıb. Xidmət çəkisi 200 tondan az olan kiçik gəmilər üçün nəzərdə tutulub. Qurumun ofislərinə şəxsən gəlməyə ehtiyac qalmadan tətbiq vasitəsilə istənilən vaxt və istənilən yerdən bu imkandan yararlanmaq mümkündür.
Qətərin dəniz nəqliyyatı sektorunda 28 faizlik artım
2025-ci ilin ilk altı ayında (yanvar-iyun) Qətərin dəniz nəqliyyatı sektoru güclü artım nümayiş etdirib. Nəqliyyat Nazirliyi bu ilin birinci yarısında Dəniz Nəqliyyatı İşləri İdarəsi vasitəsilə 10.780 əməliyyatı yekunlaşdırıb ki, bu da ötən ilin müvafiq dövrü ilə müqayisədə 28 faizlik artım deməkdir.
