Türkiyəyə məxsus hərbi təyyarənin qara qutusu ölkəyə gətirilib
Gürcüstanda qəzaya uğrayan Türkiyə Silahlı Qüvvələrinə (TSK) məxsus C-130 tipli hərbi nəqliyyat təyyarəsinin “qara qutusu” Türkiyəyə gətirilib. Gürcüstan rəsmiləri qəzaya uğrayan təyyarənin qalıqlarının Azərbaycanla sərhəddə yerləşən Sığnaği bölgəsində aşkar olunduğunu açıqlayıb. Hadisə yerindən toplanan məlumatlara əsasən, təyyarəyə aid “qara qutu” tapılaraq Türkiyəyə gətirilib və araşdırmalara başlanılıb.
Türkiyənin müdafiə və aviasiya sənayesinin ixracı 10 ayda 6,7 milyard dollara çatıb
Türkiyənin müdafiə və aviasiya sənayesinin 2025-ci ilin ilk 10 ayında ümumi ixrac həcmi 6,7 milyard ABŞ dolları olub. Bu barədə Türkiyə Prezidentliyinin Müdafiə Sənayesi İdarəsinin (SSB) rəhbəri professor Haluk Görgün sosial media hesabında məlumat paylaşıb. Görgün bildirib ki, təkcə oktyabr ayında sektorun ixracı 708 milyon dollara çatıb. O, qeyd edib ki, ilin ilk 10 ayında xidmət ixracı istisna olmaqla ümumi ixrac ötən ilin eyni dövrü ilə müqayisədə 31 faiz artaraq 6,7 milyard dollara yüksəlib.
Türkiyənin texnologiya nəhəngi HAVELSAN beynəlxalq sertifikat alıb
Türkiyənin qabaqcıl texnologiya şirkətlərindən HAVELSAN, innovasiya idarəçiliyində beynəlxalq standartlara uyğunluğunu təsdiqləyərək “TS EN ISO 56001 Innovasiya İdarəetmə Sistemi” sertifikatı ilə təltif edilib.
