30 Avqust - Türk ordusunun böyük zəfər dastanı
Mustafa Kamal Atatürkün komandanlığı altında 26 avqust 1922-ci ildə başlayan və 30 avqustda Böyük Hücum və Baş Komandan Döyüşü ilə zəfərlə yekunlaşan Türk Ordusunun qəhrəmanlıq dastanı, Türk tarixinin ən parlaq səhifələrindən biridir. Bu zəfər, Türkiyə Cümhuriyyətinin təməlinin qoyulmasında mühüm dönüş nöqtəsi olub. 1919-cu ildə Birinci Dünya Müharibəsindən sonra Müttəfiq dövlətlər Mudros barışıq müqaviləsinə əsasən Anadolunu işğal etməyə başlayıb. Halide Edip Adıvarın “Türkün odla sınanması” əsərində təsvir etdiyi kimi, müttəfiqlər İstanbul, Adana, Urfa, Maraş, Samsun, Merzifon, Antalya və cənub-qərb Anadolunu ələ keçirib. 1919-cu il mayın 15-də isə Yunan ordusu Müttəfiqlərin icazəsi ilə İzmiri işğal edib. Bu ağır şərtlər altında Türk milləti, tarix boyu göstərdiyi vətənpərvərlik şüuru ilə Kuvayımilliyə hərəkatını başladıb.
İstanbulda İŞİD-ə qarşı əməliyyat keçirilib
İstanbul Respublika Prokurorluğunun apardığı araşdırma çərçivəsində, İŞİD-in fəaliyyətlərinin aşkarlanması və qarşısının alınması məqsədilə əməliyyat keçirilib. Əməliyyatda İnterpolun qırmızı bülletenlə axtardığı və “xarici terrorçu döyüşçü” kimi qiymətləndirilən şəxslər də daxil olmaqla 9 şübhəli saxlanılıb. X platformasında yayılan məlumatlar, əməliyyatın Türkiyənin terrorla mübarizədə qətiyyətli addımlarını göstərdiyini vurğulayır. Qeyd edək ki, saxlanılan şəxslər arasında İŞİD-ə üzv olmaq, təşkilatın təbliğatını aparmaq və potensial hücumlar planlaşdırmaqda şübhəli bilinənlər var. Qalan 6 şübhəlinin saxlanılması üçün işlər davam etdirilir.
İstanbulda silahlı cinayət təşkilatına qarşı əməliyyatda 13 nəfər saxlanılıb
Mərkəzi İstanbul olan və beş şəhəri əhatə edən əməliyyatda silahlı cinayət təşkilatına üzv olmaqda şübhəli bilinən 13 nəfər saxlanılıb. İstanbul Respublika Prokurorluğunun araşdırmalarına görə, Səlahəddin Yılmazın rəhbərlik etdiyi cinayət şəbəkəsinə qarşı istintaq aparılıb. İki vəkil də daxil olmaqla 14 nəfər barəsində həbs qətimkan tədbiri seçilib.
Türkiyə və Gürcüstan polisi birgə əməliyyatla axtarışda olan 14 cinayətkarı saxlayıb
Türkiyənin daxili işlər naziri Ali Yerlikaya Gürcüstan polisi ilə birgə keçirilən əməliyyat nəticəsində qırmızı bülletenlə beynəlxalq axtarışda olan 12 nəfərin və milli axtarışda olan 2 şəxsin tutulduğunu bildirib. Saxlanılanlar arasında adam öldürməyə cəhd, ağır quldurluq, fırıldaqçılıq, narkotik maddə dövriyyəsi, silah-sursat saxlama və uşaqlara qarşı cinsi istismar kimi ağır cinayətlərdə ittiham olunan şəxslər var. Yerlikaya qeyd edib ki, saxlanılanlar barəsində ekstradisiya prosedurlarına başlanılıb.
Türkiyədə 6 şəhərdə keçirilən əməliyyatlarda 34 nəfər saxlanılıb
Daxili işlər naziri Ali Yerlikaya jandarma tərəfindən “qanunsuz mərc oyunları və ağır fırıldaqçılıq” cinayətlərinə qarşı aparılan əməliyyatlarda 2 milyard türk lirəsi əməliyyat həcmi ilə 34 şübhəlinin tutulduğunu açıqlayıb. Onlardan 29-u həbs edilib, 5-i barəsində isə məhkəmə nəzarəti tədbiri tətbiq olunub. Nazirin sözlərinə görə, şübhəlilərin sosial şəbəkələrdə saxta “motosiklet, televizor, konteyner” elanları ilə vətəndaşları aldatdıqları, qanunsuz mərc oyunlarına şərait yaratdıqları, internet üzərindən pul köçürmələrinə imkan verdikləri və “kriptovalyuta ilə gəlir” vədləri ilə dələduzluq etdikləri müəyyən edilib. Əməliyyatlar Uşak, İzmir, Qaziantep, Kayseri, Yozgat, Şanlıurfa ilə yanaşı, Hatay, Adana, Ankara, Antalya, İstanbul, Bitlis, Nevşehir, Sakarya, Mersin və Bartın vilayətlərində keçirilib.
Qırmızı bülletenlə axtarılan beynəlxalq cinayətkarlar saxlanılaraq Türkiyəyə təhvil verilib
Nazir Ali Yerlikaya sosial media hesabında, kabinet dövründə 427 cinayətkarın Türkiyəyə gətirildiyini bildirib. Onun sözlərinə görə, saxlanılanlar arasında “A.T.” və “Daltonlar” kimi mütəşəkkil cinayət təşkilatlarının üzvləri də var. Şübhəlilər “qəsdən adam öldürmə”, “silahlı soyğunçuluq”, “dələduzluq”, “narkotik alveri” və “terror təşkilatına üzvlük” kimi ağır ittihamlarla beynəlxalq və milli axtarışda idilər.
MİT FETÖ-nün maliyyə strukturunu hədəf alan əməliyyat keçirib
Milli İstihbarat Təşkilatı (MİT), İstanbul Baş Prokurorluğu və İstanbul Polis İdarəsinin koordinasiyalı şəkildə keçirdiyi əməliyyat nəticəsində FETÖ-nün maliyyə strukturuna ağır zərbə vurulub.
"Pəncə-Kilid" bölgəsində baş verən faciə araşdırılır – Gülər
Türkiyənin Milli Müdafiə naziri Yaşar Gülər "Pəncə-Kilid" əməliyyatı bölgəsində 12 əsgərin şəhid olması ilə nəticələnən hadisənin bütün detalları ilə araşdırılacağını açıqlayıb.
