Səudiyyə Ərəbistanının Vəliəhd şahzadəsi və Baş naziri Məhəmməd bin Salman (Ciddə şəhərində Suriya Prezidenti Əhməd əş-Şərra ilə görüşüb.
Görüş zamanı tərəflər regiondakı son hadisələri və cari vəziyyəti müzakirə edib, bu məsələlərdə səylərin əlaqələndirilməsi yollarını nəzərdən keçiriblər. Həmçinin, hər iki ölkə arasındakı ikitərəfli münasibətlər, müxtəlif sahələrdə əməkdaşlığın dəstəklənməsi və inkişaf etdirilməsi imkanları ətrafında fikir mübadiləsi aparılıb.
Prezident Əhməd əş-Şərra Səudiyyə Ərəbistanına rəsmi səfərə gəlib. Suriyanın SANA xəbər agentliyinin məlumatına görə, bu səfər Suriya dövlət başçısının Körfəz ölkələrinə turu çərçivəsində baş tutub.
