İranın Təhsil Nazirliyi ölkənin bir neçə vilayətində final imtahanlarının ləğv edildiyini açıqlayıb. ArabAZ xəbər verir ki, Təsnim agentliyinin nazirliyə istinadən verdiyi məlumata görə, qərar Hörmüzqan, Buşəhr, Xuzistan, həmçinin Sistan və Bəlucistan vilayətlərini əhatə edir. Qeyd olunan bölgələrdə bazar və bazar ertəsi günlərinə planlaşdırılan bütün imtahanlar təxirə salınıb.
Nazirlik ölkənin cənubunda qeyri-sabit şəraitin davam etdiyini bildirib. Bu səbəbdən yalnız həmin vilayətlərdə bütün təhsil istiqamətləri üzrə final imtahanlarının ləğv olunması qərara alınıb. Təxirə salınmış imtahanların yeni tarixləri barədə isə daha sonra məlumat veriləcəyi vurğulanıb.
