Dünya Müsəlman Liqasının (MWL) baş katibi və Müsəlman Alimləri Təşkilatının sədri dr. Məhəmməd Əl-İsa cümə günü Vaşinqtonda Şimali və Cənubi Amerika İslam Liderləri Şurasının üçüncü sessiyasına sədrlik edib.
Sessiya zamanı şura üzvləri bir neçə mühüm mövzunu, o cümlədən dini və milli kimlik məsələlərini müzakirə ediblər. Dünya Müsəlman Liqasının “X” sosial şəbəkəsindəki rəsmi bəyanatına görə, Əl-İsa dini xüsusiyyətlərə hörmətlə yanaşan konstitusiya sistemləri və qanunlar çərçivəsində bu iki kimlik arasında heç bir ziddiyyətin olmadığını bildirib. O əlavə edib ki, bu cür münaqişələri yalnız ekstremist ideologiyalar süni şəkildə yaradır.
Zəvvarlar bu qaydalara riayət etməlidir
Nazirlik zəvvarları aşağıdakı qaydalara əməl etməyə çağırıb:
Uçuş vaxtlarına ciddi riayət etmək və az baqajla səyahət etmək;
Yüksək məbləğdə pul və ya xüsusi dərmanlar barədə gömrük bəyannaməsi vermək;
Səyahət sənədlərini və vizanı hazır saxlamaq;
Tibbi reseptləri və hesabatları özü ilə götürmək.
ArabAZ xəbər verir ki, Şura iclasında ümumilikdə nifrət meylləri, xüsusilə də islamofobiya mövzusu ətrafında geniş müzakirələr aparılıb. Əl-İsa vurğulayıb ki, konstitusiyalar və qanunlar nifrət dolu əməllərə icazə vermir. O, müsəlman icmasının bütün dinləri və etnik qrupları hədəf alan nifrət nitqi və ayrı-seçkiliyə qarşı mübarizə istiqamətindəki səylərini yüksək qiymətləndirib.
Üzvlər həmçinin bəzi İslam terminləri ətrafında yaranan yanlış təsəvvürləri nəzərdən keçiriblər və bu anlaşılmazlıqların elmi təhlillər, mətn sübutları və tarixi kontekst vasitəsilə düzəldilməsinin vacibliyini vurğulayıblar.
Sözügedən şura 2022-ci ilin martında Vaşinqtonda keçirilən təsis konfransından sonra Məkkə bəyannaməsinin (Charter of Makkah) prinsipləri əsasında yaradılıb. Bu platforma bütün Amerika qitəsindən olan İslam liderlərini, həmçinin ABŞ rəsmilərini, qanunvericilərini və dini rəhbərlərini bir araya gətirir. Təsis konfransının iştirakçıları şuranın Məkkə bəyannaməsi çərçivəsində və məhz onun təşəbbüsü ilə yaradılmasını, eləcə də tərəflər arasındakı ortaq konsensusu nəzərə alaraq, dr. Məhəmməd Əl-İsanı bu şuraya sədr seçiblər.
