Səudiyyə Ərəbistanı Rəqəmsal Hökumət Qurumunun (DGA) hesabatına əsasən, Krallıq rəqəmsal hökumət xidmətləri sahəsində ardıcıl dördüncü il regionda birinci yeri tutub.
ArabAZ xəbər verir ki, Birləşmiş Millətlər Təşkilatının Qərbi Asiya üzrə İqtisadi və Sosial Komissiyası (ESCWA) tərəfindən dərc edilən 2025-ci il Qlobal E-Hökumət Yetkinlik İndeksində (GEMS) Səudiyyə Ərəbistanı 99 faiz göstərici ilə Yaxın Şərq və Şimali Afrika regionunda lider mövqeyini qoruyub saxlayıb. Həmçinin indeksi çərçivəsində dünya üzrə 197 şəhər qiymətləndirilib və Ər-Riyad BMT ilə tərəfdaşlıq çərçivəsində Qlobal Rəqəmsal Hökumət Mərkəzinin mənzil-qərargahı seçilib.
Səudiyyə Ərəbistanı GEMS 2025 indeksində 99% nəticə ilə MENA regionunda ardıcıl 4-cü il 1-ci oldu. BMT ilə tərəfdaşlıq çərçivəsində Qlobal Rəqəmsal Mərkəz Ər-Riyadda yerləşəcək.
- Uber Səudiyyənin qida çatdırılması bazarını ələ keçirir
- Ərəb caz sənəti: Şərq məqamları ilə Qərb ritmlərinin sintezi
- Qatar Airways Bəhreyn, Küveyt və Ərbilə uçuşları dayandırıb
- Liviyada küçədə qamçılanan qadın etiraza səbəb olub – video
- Lidd hücumunun icraçısı Kozo Okamoto Beyrutda vəfat etdi
- İran–ABŞ qarşıdurması Yəmən üzərindən dərinləşir-Rufiz Hafizoğlu
Neftdən sonra nə gəlir? Səudiyyənin təmiz enerji strategiyası
Rəsmi rəqəmsal portallar və tətbiqlər vasitəsilə göstərilən 100 dövlət xidmətinin qiymətləndirilməsi əsasında 17 ölkəni əhatə edən bu indeksdə Krallığın zirvədə qərarlaşması Səudiyyə Ərəbistanının rəqəmsal hökumət sisteminin davamlı yetkinliyini və regional miqyasda qazandığı uğurları əks etdirir.
DGA-nın rəhbəri, mühəndis Əhməd Əlsuvaiyan bildirib ki, bu nəticə Krallıq rəhbərliyinin rəqəmsal transformasiya ekosisteminə göstərdiyi məhdudiyyətsiz dəstəyin təzahürüdür. O əlavə edib ki, rəqəmsal hökumət vətəndaşları və istifadəçiləri mərkəzə qoyan, milli iqtisadiyyatın rəqabət qabiliyyətini artıran və davamlı inkişafa uyğun olaraq dövlət idarəçiliyinin səmərəliliyini yüksəldən inteqrasiya olunmuş hökumət modelini inkişaf etdirməkdə davam edir.
Əlsuvaiyan vurğulayıb ki, bu nailiyyət Krallığın rəqəmsal hökumət sahəsindəki qabaqcıl mövqeyini və süni intellekt də daxil olmaqla yeni texnologiyaları tətbiq etmək bacarığını nümayiş etdirir. Bu isə Səudiyyə Ərəbistanını biznesin səmərəliliyinin artırılması və rəqəmsal iqtisadiyyatın möhkəmləndirilməsi üzrə qlobal bir meyar (etalon) halına gətirir.
Ümumi reytinqdə birinci yeri tutmaqla yanaşı, Krallıq xidmətlərin əlçatanlığı və inkişafı (100 faiz) və xidmətlərə ictimai çıxış (100 faiz) alt göstəriciləri üzrə maksimum nəticə göstərib. Xidmətlərdən istifadə və istifadəçi məmnuniyyəti göstəricisi üzrə isə 99 faiz nəticə qeydə alınıb.
Səhiyyə sahəsində rəqəmsal xidmətlər vətəndaşlara bir çox prosedurları elektron qaydada tamamlamağa imkan yaradıb və tibbi xidmətlərə daha rahat çıxışı təmin edib.
Rəqəmsal həllər, həmçinin gömrük rəsmiləşdirilməsi prosedurlarını sürətləndirib, əməliyyatların səmərəliliyini artırıb və dövlət qurumları üzrə rəqəmsal təcrübəni təkmilləşdirib.
Qurum, həmçinin böyük verilənlər (big data) və süni intellekt də daxil olmaqla qabaqcıl texnologiyaların vətəndaşlar, sakinlər və zəvvarlar üçün daha çevik və etibarlı xidmətlər təqdim etməkdə, eləcə də dövlət xidmətlərinə təhlükəsiz çıxışı təmin etmək üçün kiberfəzada təhlükəsizliyi və rəqəmsal etimadı möhkəmləndirməkdə oynadığı rolu vurğulayıb.
