Bakı, ArabAZ
Sudanda vəbaya yoluxanların sayı 6 min 618-ə, epidemiyadan ölənlərin sayı isə 235-ə yüksəlib.
ArabAZ xəbər verir ki, Sudanda iyun ayından bəri təsirli olan yağışlar və daşqınlar vəba xəstəliyinin yayılmasına səbəb olub.
Xatırladaq ki, Sudan hakimiyyəti avqustun 12-də vəba xəstəliyini epidemiya elan edib.
Müharibənin davam etdiyi və səhiyyə sisteminin effektiv işləmədiyi Sudanda epidemik xəstəliklərin yayılması insanların həyatını daha da çətinləşdirir.
