Türkiyənin ASELSAN şirkətinin istehsalı olan ASELFLIR-500 elektro-optik və infraqırmızı (EO/IR) kəşfiyyat sistemi Cənubi Afrikanın “Paramount Group” şirkətinə məxsus Mwari yüngül hücum və kəşfiyyat (COIN) təyyarəsinə uğurla inteqrasiya edilib. Bu addım sistemin xarici və eyni zamanda idarə olunan (pilotlu) platformada ilk tətbiqi kimi müdafiə sənayesi tarixinə düşüb.
Ən çox oxunan
ArabAZ xəbər verir ki, əvvəllər Bayraktar TB2, AKINCI və ANKA-III kimi Türkiyə istehsalı olan pilotsuz uçuş aparatlarında (PUA) sınaqdan çıxarılmış ASELFLIR-500 elektro-optik sistemi məşhur CATS sisteminin xələfi sayılır.
- Kamera önündəki tərəddüd: “İnkişaf Yolu”-nun arxasındakı nüfuz döyüşü və Bakı-Ankara-Bağdad oxu
- Prezident İlham Əliyev Mərakeş Kralını və xalqını təbrik edib
- Suriyanın şimal-şərqində aşirət səfərbərliyi nəyə işarə edir?
ASELSAN tərəfindən hazırlanan orta ölçülü bu elektro-optik giroskopik sistem həm PUA-lar, həm də sabit qanadlı pilotlu təyyarələr üçün nəzərdə tutulub. Sistem HD TV, HD SWIR (qısa dalğalı infraqırmızı) və HD MWIR (orta dalğalı infraqırmızı) kameralarla yanaşı, 35 kilometr məsafəyə qədər hədəfləri dəqiqliklə nişanlamaq imkanına malik lazer nişangahı ilə təchiz olunub.
Quru qoşunlarına dəstək və qiyamçılara qarşı əməliyyatlar (COIN) üçün layihələndirilmiş Mwari təyyarəsi 950 at qüvvəsi hasil edən PT6-66A turboprop mühərriki ilə çalışır. Gövdənin üst hissəsində yerləşən iri qanadlar qısa məsafədən qalxma və enmə (STOL) imkanı yaradır. Təyyarə konfiqurasiyadan asılı olaraq havada 10 saata qədər qala bilir.
6 ədəd asqı nöqtəsinə və 800-1000 kq faydalı yük götürmə qabiliyyətinə malik olan Mwari təyyarəsi Mokopa tankəleyhinə idarəolunan raketləri (ATGM) və Mk-81/82 ümumi təyinatlı aviabombaları daşıya bilir.
