BAKI,VOA
"TF International Securities" şirkətinin analitiki Min-Çi Kuonun yeni məlumatları "Apple" şirkətinin "iPhone 18" xətti ilə bağlı planlarını ortaya qoyub. Onun verdiyi məlumatlara görə, standart "iPhone 18" və 2027-ci ilin yazında çıxacağı gözlənilən büdcəli "iPhone 18e" modeli hərəyə 9 giqabayt operativ yaddaş alacaq. Bu, hazırkı baza modellərində olan 8 giqabayt ilə müqayisədə cüzi bir artımdır və daha əvvəl gözlənilən 12 giqabaytdan nəzərəçarpacaq dərəcədə azdır.
VOA xəbər verir ki, , Apple şirkəti yeni "A20" prosessoru ilə birlikdə hərəsi 1,5 giqabayt olan altı yaddaş çipindən ibarət konfiqurasiya seçib.
Kuonun sözlərinə görə, şirkət komponentlərin yüksək dəyəri və təchizat zəncirindəki məhdudiyyətlər səbəbindən operativ yaddaş həcminin daha böyük artımından imtina edib.
Bununla bərabər, TSMC şirkətinin 2 nanometrlik texnoloji prosesi ilə hazırlanan "A20" çipi "A19" ilə müqayisədə prosessorun məhsuldarlığını təxminən 15 faiz daha yüksək və enerji səmərəliliyini 30 faizə qədər daha yaxşı təmin etməli, həmçinin süni intellekt funksiyalarının işini sürətləndirməlidir.
