BAKI,AzerVoice

Zenvo ST1 avtomobilin həddindən artıq gücünü və yüksək performansını vizual olaraq ifadə etmək üçün hazırlanıb. Zenvo yaradıcılarının hermann & brandt dizayn konsaltinq şirkətinin dizaynerlərinə verdiyi əsas tapşırıq, digər bütün superkarlardan tamamilə fərqlənən bir avtomobil dizayn etmək idi. Avtomobilin görünüşü aqressiv olmalı, superkar üslubu ilə yarış avtomobillərinə xas elementləri özündə birləşdirməli idi.

Zenvo ST1-in dizaynı axıcı və sürət hissi yaradan xətlər üzərində qurulub. Bu xətlər təkər tağlarının formasını, dam xəttini, yan silueti və alt yan hava girişlərini formalaşdırır. Kəskin xətlər əzələli və orqanik səthlərlə birləşərək dramatik işıq əksləri yaradır. Ümumi səth dizaynına zidd olaraq, avtomobildə yarış avtomillərindən ilhamlanan karbon lifli aşağı splitter istifadə olunub.

Avtomobilin ön hissəsi Zenvo-ya məxsus altıbucaqlı radiator barmaqlığı ətrafında formalaşdırılıb. Onun hər iki tərəfində əyləc və mühərrikin soyudulması üçün nəzərdə tutulmuş iri hava girişləri yerləşir. Bu hava kanalları aerodinamik müqaviməti azaltmaq üçün arxaya doğru maili şəkildə dizayn edilib və eyni zamanda avtomobilin yan profildən daha kompakt görünməsini təmin edir.

Ön dizayndakı mövzu arxa hissədə də davam etdirilib. Arxa dizayn yüksək sürətlərdə sabitliyi təmin edən iri diffuzor üzərində qurulub. Ön hissədə olduğu kimi, mərkəzi hissə iki tərəfdən böyük hava çıxışları ilə əhatə olunub. Bu kanallar isti mühərrik havasını xaric edir, eyni zamanda egzoz sistemi və arxa işıq bloklarını özündə birləşdirir.

Son dərəcə yüksək sürətlərə çata bilən avtomobil üçün vacib olan arxa spoyler, arxa qanada qismən inteqrasiya olunub. O, avtomobilin arxa hissəsinin maili formasını izləyən unikal aerodinamik dizayna malikdir.

Texniki Xüsusiyyətlər

Maksimal güc: 1104 a.g. (810 kVt) / 6900 dövr/dəq
Maksimal fırlanma anı: 1430 Nm / 4500 dövr/dəq
Maksimal sürət: 375 km/saat (elektron məhdudlaşdırma ilə)
0–100 km/saat sürətlənmə: 3.0 saniyə

Ölçülər və Göstəricilər

Ümumi uzunluq: 4665 mm
Ümumi en (güzgüsüz): 2041 mm
Ümumi hündürlük: 1198 mm
Təkər bazası: 3055 mm
Çəki: 1376 kq
Ön baş məsafəsi: 1002 mm
Ön ayaq məsafəsi: 1104 mm
Ön çiyin məsafəsi: 1398 mm
Yük həcmi: 130 litr
Yanacaq çəninin həcmi: 69 litr