Yunan-Roma güləşi üzrə Azərbaycan millisi Xorvatiyada 1-ci olub

Xorvatiyada keçirilən “Zaqreb Open” başa çatıb.

İdman.biz xəbər verir ki, yarışın son günündə yunan-Roma və qadın güləşində mükafatçılar bəlli olub.

Azərbaycan millisi Zaqreb sınağını uğurla başa vurub. Yunan-Roma güləşçilərimiz komanda hesabında 1-ci yeri tutub.

36 komandanın “klassiklər”inin mübarizəsində millimiz 95 xal toplayıb. Azərbaycan ən yaxın izləyiciləri Macarıstan və Türkiyəni qabaqlaya bilib. 36 iştirakçı komandadan 28-i xal yığıb.

1. Azərbaycan - 95
2. Macarıstan – 90
3. Türkiyə - 81
4. İsveç – 50
5. İran – 49
6. Gürcüstan – 45
7. Ukrayna - 45
8. Almaniya – 43
9. Serbiya – 40
10. Fransa – 34
11-12. Çin – 32
Finlandiya – 32
13. Xorvatiya – 21
14. Moldova – 20
15. ABŞ – 20
16. Rumıniya – 20
17. İtaliya – 19
18. Litva – 17
19. Kuba – 16
20-21. Bolqarıstan – 15
Yaponiya – 15
22-24. Braziliya – 10
Misir – 10
Latviya – 10
25. Çexiya – 4
26. Əlcəzair – 4
27-28. Səudiyyə Ərəbistanı – 2
İsveçrə - 2

Qadın yığmamız isə çempionatı 12-ci yerdə başa vurub. Millimiz 31 xal toplayıb. 32 yığmadan yalnız 21-i xal yığa bilib.

1. Ukrayna - 125
2. Çin - 115
3. ABŞ - 65
4. Qırğızıstan - 50
5. Moldova - 50
6. Macarıstan - 50
7. Kanada - 45
8. Türkiyə - 45
9. Polşa - 45
10. Yaponiya - 35
11. Almaniya - 34
12. Azərbaycan - 31
13. Monqolustan - 25
14. Serbiya - 20
15. Qazaxıstan - 12
16. Fransa - 12
17. Bolqarıstan - 10
18. Braziliya - 8
19-20. Nigeriya - 6
UWW - 6
21. Çili – 4

Mübarizəni daha öncə başa vuran sərbəst güləş millimiz 4-cü olmuşdu. Komandamız 54 xal toplamışdı.

Ümumilikdə Azərbaycan yığması Zaqrebdə iki qızıl və beş bürünc medal qazanıb. Ülvü Qənizadə (72 kq) və Sənan Süleymanov (77 kq) yunan-Roma güləşində çempionluq, Həsrət Cəfərov (67 kq) “bürünc” sevinci yaşayıb. Əliabbas Rzazadə və Nürəddin Novruzov (hər ikisi 61 kq), Cəbrayıl Qadjiyev (74 kq) sərbəst, Alyona Kolesnik (59 kq) qadın güləşində üçüncü olub.

Millimiz medal sıralamasında 6-cı yeri tutub. 10 medal əldə edən İran bu göstəricidə hamını qabaqlayıb - 4 qızıl, 4 gümüş və 2 bürünc. Ukrayna 7 (4, 1, 2), Çin 9 (3, 5, 2) mükafat qazanıb. ABŞ 13 (2, 4, 7) və Gürcüstan 7 (2, 2, 3) medalla millimizi qabaqlaya bilib.

Qeyd edək ki, Xorvatiyada 26 komandanın üzvləri medal qazanmağı bacarıblar.

İdman.biz