Bakı, AzerVoice

Beşiktaşda mövsüm ortası sürpriz ayrılıq baş verə bilər.

AzerVoice xəbər verir ki, Paris Saint-Germain-dən icarəyə götürülən Şer Ndourun komandadan ayrılma ehtimalı hazırda gündəmdədir.

Belə ki, Fransız və İtalyan mətbuatı gənc futbolçunun Bolonya tərəfindən maraqla izlənildiyini və Paris Saint-Germain-in bu transferə müsbət baxdığını bildirib.

Beşiktaşın əcnəbi oyunçu kvotasını azaltmaq məqsədilə bu ayrılığı müsbət qarşılayacağı qeyd olunur. Hal-hazırda 14 əcnəbi futbolçusu olan klub, mövsüm ortası transfer dövründə ən azı üç yeni əcnəbi futbolçu gətirməyi də planlaşdırır.

Qeyd edək ki, mövsüm ərzində 21 matçda forma geyinən və 1 qol, 2 məhsuldar ötürmə ilə diqqət çəkən Ndourun transferində yaxın günlərdə yeniliklərin olacağı gözlənilir. Bu ayrılıq Beşiktaş üçün həm yeni transferlərə yer açmaq, həm də komandada balans yaratmaq baxımından əhəmiyyətli ola bilər.