BAKI, AzerVoice
İngiltərənin "Fulhem" klubu Türkiyənin "Fenerbağça" klubunda çıxış edən mərakeşli hücumçu Yusuf En-Nesirini heyətinə qatmaq istəyir.
AzerVoice xəbər verir ki, bu barədə Africa Foot portalı məlumat yayıb.
Portalda yer alan xəbərə görə, Premyer Liqa klubları artıq bir müddətdir En-Nesiri ilə maraqlanır. "Fulhem" onun performansından sonra 27 yaşlı futbolçunu transfer etmək üçün hərəkətə keçib.
Yusuf En-Nesiri bu mövsüm "Fenerbağça"nın heyətində 49 oyunda iştirak edib, 27 qol vurub və 7 məhsuldar ötürmə edib.
Hazırda transfer bazarındakı dəyəri 24 milyon avro olan En-Nesirinin "Fenerbağça" ilə 2029-cu ilə qədər müqaviləsi var.
