BAKI,AzerVoice
Yeni mövsüm öncəsi heyətini gücləndirmək istəyən Fənərbağça transfer bazarında böyük səs-küy yaradacaq bir addım atmağa hazırlaşır.
AzerVoice xəbər verir ki, klub, uzun müddətdir gündəmdə olan dünya şöhrətli ulduz Ceydon Sanço ilə razılıq əldə edib.
İngiltərə millisinin və Mançester Yunayted klubunun 24 yaşlı futbolçusu Fənərbağçanın təklifinə müsbət cavab verib. Sanço yaxın günlərdə İstanbula gələcək.
Transferin detalları da mətbuata sızıb. İddialara görə, Sanço Fənərbağcada illik 6 milyon avro maaş alacaq. Bu rəqəm onu Super Liqanın ən çox qazanan futbolçularından birinə çevirəcək.
Qeyd edək ki, Sanço son mövsümü Almaniyanın Borussia Dortmund klubunda icarədə keçirib və Çempionlar Liqasında göstərdiyi performansla diqqət çəkib.
