BAKI, AzerVoice, Fərid Mikayılov

Pep Qvardiolanın rəhbərlik etdiyi Mançester Sitinin mövsümə uğursuz başlaması fonunda komanda haqqında tənqidlər səslənir.

AzerVoice xəbər verir ki, Premyer Liqa əfsanəsi Alan Şirer, “şəhərlilər”in artıq əvvəlki qorxu faktorunu itirdiyini bildirib.

Onun sözlərinə görə, rəqiblər indi Mançester Sitiyə qarşı daha cəsarətlə oynayır və onların məğlubedilməz olmadığına inanırlar.

Qeyd edək ki, ötən mövsüm Siti Rodrinin uzunmüddətli zədəsi səbəbindən çətinliklər yaşayıb və Qvardiola dönəmində ilk dəfə 9 məğlubiyyət alaraq mövsümü “Liverpul”dan 13 xal geridə, 3-cü yerdə başa vurub.

Cari mövsümə Uolves üzərində 4:0 hesablı qələbə ilə başlayan komanda daha sonra ardıcıl Tottenhem və Brayton məğlubiyyətləri ilə azarkeşlərini məyus edib.

Mançester Siti Premyer Liqada növbəti oyununu bazar günü əzəli rəqibi Mançester Yunaytedə qarşı keçirəcək. Mütəxəssislərin fikrincə, bu derbi Qvardiola və komandası üçün mövsümün ilk “mütləq qələbə” oyunlarından biri olacaq.