BAKI, AzerVoice, Nailə Babazadə
Bu gün UEFA Çempionlar Liqasının Liqa mərhələsinin üçüncü turunda Azərbaycanı təmsil edən "Qarabağ" komandası növbəti vacib oyununa çıxacaq.
AzerVoice xəbər verir ki, "Qarabağ" bu dəfə İspaniyanın məşhur klubu "Atletik Bilbao" ilə qarşılaşacaq.
Matç "San Mames" stadionunda baş tutacaq və Bakı vaxtı ilə saat 20:45-də start götürəcək.
Qarabağ futbolçuları noyabrın 5-də isə növbəti matçını öz meydanında İngiltərənin "Çelsi" klubuna qarşı keçirəcək. Bu qarşılaşma da komandamız üçün turnirin taleyini müəyyənləşdirəcək əsas görüşlərdən biri olacaq.
Hazırda Azərbaycan çempionu UEFA Çempionlar Liqasının əsas mərhələsində keçirdiyi iki oyundan sonra altı xalla qrupda 6-cı pillədə qərarlaşıb. Komandanın növbəti matçlarda göstərəcəyi performans qrupdakı mövqeyini yaxşılaşdırmaq üçün önəmlidir.
