BAKI, AzerVoice, Nailə Babazadə
Fənərbaxça UEFA Avropa Liqasının dördüncü turunda səfərdə Çexiya təmsilçisi Viktoriya Plzenlə üz-üzə gələcək.
AzerVoice xəbər verir ki, görüş Bakı vaxtı ilə saat 00:00-da başlayacaq və qarşılaşmanı hollandiyalı hakim Allard Lindhout idarə edəcək. Ona yan xət hakimləri Rogier Honig və Johan Balder kömək edəcəklər. Matçın dördüncü hakimi isə Jannick Van Der Laan olacaq.
Avropa Liqasına səfərdə Dinamo Zaqrebə 1:3 hesabı ilə məğlub olaraq başlayan Fənərbaxça, daha sonra evdə keçirdiyi oyunlarda Nitza və Ştutqartı məğlub edib.
Türkiyə Superliqasında da uğurlu çıxışını davam etdirən sarı-göylər, Çexiyadakı çətin səfərdən qələbə ilə ayrılaraq xallarını 9-a yüksəltməyi hədəfləyir.
