BAKI,VOA, Fərid Mikayılov
UEFA Çempionlar Liqasında 1/4 final mərhələsinin cavab oyunları start götürür.
VOA xəbər verir ki, Avropanın ən nüfuzlu klub turnirində aprelin 14 və 15-də keçiriləcək qarşılaşmaların nəticələrinə əsasən yarımfinala yüksələn komandalar müəyyənləşəcək.
Məlumata əsasən, ilk oyun günündə Madrid “Atletiko”su “Barselona”nı, “Liverpul” isə Paris Sen-Jermeni (PSJ) qəbul edəcək. Qarşılaşmalar Bakı vaxtı ilə saat 22:00-da başlayacaq.
Qeyd olunub ki, növbəti gün “Arsenal” “Sportinq”lə, “Bavariya” isə “Real Madrid”lə üz-üzə gələcək.
Bildirilib ki, bu görüşlərin nəticələri turnirin yarımfinal mərhələsində çıxış edəcək komandaları müəyyən edəcək.
