BAKI,VOA, Fərid Mikayılov
2025/2026 mövsümü üzrə İspaniya La Liqasının ən yaxşı futbolçusu müəyyənləşib.
VOA xəbər verir ki, mükafatı Barselonanın hücumçusu Lamin Yamal qazanıb.
Gənc futbolçu səsvermədə Fransa millisinin və Real Madridin hücumçusu Kilian Mbappe daxil olmaqla bir sıra tanınmış futbolçuları geridə qoyub.
Yamal üçün bu mükafat karyerasında mühüm fərdi uğurlardan biri kimi qeyd olunur. O, La Liqa tarixində bu mükafatı qazanan ən gənc oyunçulardan biri olub.
İspaniya millisinin üzvü mövsüm ərzində keçirdiyi 28 oyunda 16 qol vurub və 12 məhsuldar ötürmə ilə yadda qalıb.
