BAKI,VOA
"Kingdom Holding" şirkəti "Əl-Hilal" futbol klubu şirkətinin səhmlərinin 70 faizinin Dövlət İnvestisiya Fondundan (PIF) satınalınması üzrə sövdələşməni bütün şərtlərin yerinə yetirilməsi və maliyyə ödənişinin tam həyata keçirilməsindən sonra rəsmən başa çatdırdığını elan edib.
Səudiyyə Birjasının ("Tadawul") rəsmi internet saytında yayımlanan açıqlamaya görə, "Kingdom Holding" 16 aprel 2026-cı il tarixində klubun 100 faizlik ümumi kapital dəyərinin 1,2 milyard Səudiyyə riyalı olaraq qiymətləndirilməsi əsasında səhmlərin 70 faizinin alınması üçün Dövlət İnvestisiya Fondu ilə alqı-satqı müqaviləsi imzalamışdı.
Şirkət 1 sentyabr 2026-cı il tarixi etibarilə 16 aprel müqaviləsində nəzərdə tutulmuş bütün tənzimləyici icazələrin, etirazın olmaması barədə rəsmi rəylərin və daxili şərtlərin tam təmin edildiyini bildirib.
"Kingdom Holding" sövdələşmənin ümumi məbləği olan 840 milyon Səudiyyə riyalını Dövlət İnvestisiya Fonduna tam şəkildə ödədiyini təsdiqləyib. Bu məbləğ klubun 1,2 milyard riyallıq ümumi bazar dəyərinin 70 faizlik hissəsini təşkil edir.
Açıqlamada həmçinin proseslə bağlı heç bir əlavə xərcin yaranmadığı və sövdələşmənin maliyyə dəyərinin əvvəl elan edildiyi kimi 840 milyon riyal səviyyəsində dəyişməz qaldığı vurğulanıb.
