ABŞ-nin Bəhreyndəki səfirliyi ölkədə və bölgənin digər ərazilərində olan amerikalılara təhlükəsizlik vəziyyəti ilə bağlı xəbərdarlıq edib. Səfirlik mümkün uçuş ləğvləri, hava məkanının bağlanması və səfərlərdə fasilələrə hazır olmağı tövsiyə edib.
ArabAZ xəbər verir ki, ABŞ səfirliyi yaydığı təhlükəsizlik xəbərdarlığında Bəhreyndə və bütün bölgədə olan ABŞ vətəndaşlarını “yüksək sayıqlıq nümayiş etdirməyə” çağırıb.
Səfirlik bildirib ki, İran daha əvvəl Bəhreyndə, o cümlədən Manamadakı hotellər kimi mülki infrastrukturu hədəfə alıb.
ABŞ vətəndaşlarına mümkün uçuşların ləğvi, hava məkanlarının bağlanması və səfərlərdə yaranacaq fasilələrə hazırlaşmaq tövsiyə olunub.
Səfirliyin xəbərdarlığı bölgədə təhlükəsizlik vəziyyətinin gərgin olaraq qaldığı bir vaxtda yayılıb.
