Körfəzin şimal hissəsində və Oman körfəzində bir neçə ticarət gəmisi regionda davam edən hərbi fəaliyyətlər zamanı gəmiləri hərəkətsiz vəziyyətə gətirən atəşə məruz qalıb.
ArabAZ xəbər verir ki,Böyük Britaniyanın Dəniz Ticarət Əməliyyatları (UKMTO) bildirib ki, hadisələr nəticəsində ölən və ya yaralananların, eləcə də ətraf mühitə dəymiş ziyanın olub-olmadığını təsdiqləmək mümkün deyil.
UKMTO-nun məlumatına görə, Birləşmiş Ərəb Əmirliklərinin Port Rəşid limanından 24 dəniz mili şimal-qərbdə lövbərdə dayanan gəminin çərşənbə günü bir tərəfə əyildiyi müşahidə olunub. Bunun mərmi zərbəsindən sonra gəmiyə su daxil olması ilə bağlı ola biləcəyi ehtimal edilir.
UKMTO hadisə barədə məlumatın üçüncü tərəf tərəfindən verildiyini bildirib.
