Qətər Dövləti İraq Respublikası ərazisindən göndərilən bir neçə pilotsuz uçuş aparatı (PUA) vasitəsilə Səudiyyə Ərəbistanı Krallığının Ər-Riyad və Mədinə bölgələrində yerləşən "Şərq-Qərb" neft kəmərinin hədəfə alınmasını, xəsarətlər və maddi ziyanla nəticələnən bu hücumu ən kəskin ifadələrlə pisləyib. Qətər Xarici İşlər Nazirliyi mülki və iqtisadi obyektlərin hədəf alınmasının yolverilməz bir addım, beynəlxalq hüququn kobud şəkildə pozulması və bölgənin təhlükəsizlik və sabitliyini sarsıdan təhlükəli bir eskalasiya olduğunu vurğulayıb. Bu xüsusda, nazirlik Səudiyyə Ərəbistanının İraq ərazilərindən Krallığa və qonşu dövlətlərə qarşı hücumların təşkilinin qarşısının alınması istiqamətində İraq hökumətinin səylərini dəstəkləməklə nümayiş etdirdiyi məsuliyyətli yanaşmanı yüksək qiymətləndirib. Nazirlik Qətər Dövlətinin Səudiyyə Ərəbistanı Krallığı ilə tam həmrəy olduğunu, Krallığın öz suverenliyini, təhlükəsizliyini və strateji obyektlərini qorumaq üçün atdığı bütün addımları tam dəstəklədiyini ifadə edib.
Qətərdən Səudiyyəyə tam dəstək - "Şərq-Qərb" kəmərinə edilən PUA hücumu sərt pisləndi
Həmçinin Krallığın öz suverenliyini, ərazisini və enerji təsisatlarını müdafiə etmək məqsədilə atacağı bütün qanuni tədbirlərə tam dəstək ifadə olunub.
